+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Shetel ınvestıtsııasy 30 paıyzǵa azaıdy: Darıǵa Nazarbaeva Úkimet basshysyna birqatar saýal joldady

2021 jylǵy 8 qyrkúıek 12:17
Bólisińiz:
Shetel ınvestıtsııasy 30 paıyzǵa azaıdy: Darıǵa Nazarbaeva Úkimet basshysyna birqatar saýal joldady

NUR-SULTAN. QazAqparat – Búgin Parlament Májilisiniń jalpy otyrysynda depýtat Darıǵa Nazarbaeva ınvestıtsııalyq saıasatty iske asyrý máselesi Úkimet basshysy Asqar Mamınniń atyna saýal joldady, dep habarlaıdy QazAqparat tilshisi.

Uqsas jańalyqtar
Qazaqstan shıkizattyq emes taýarlar eksportyn 29 mlrd dolarǵa ulǵaıtpaq Memlekettik saıasatta ǵylymı jáne sarapshylyq qoldaýǵa qajettilik artady – Senat spıkeri Senat tóraǵasy: Qazaqstandyqtardyń 86 paıyzy qazaq tilin biledi

«Otandyq ekonomıkanyń túıindi salalaryna ınvestorlar tartý eldiń tabysty damýy úshin negiz bolyp sanalady. Pandemııa jáne onyń saldarynan týyndaǵan jahandyq ekonomıkalyq retsessııa aıasynda memleketter arasynda ınvestıtsııalar tartý úshin básekelestik artyp keledi, eldiń ınvestıtsııalyq klımaty sheshýshi ról atqarady. Investıtsııalyq ahýaldy jaqsartý úshin 2017 jyly 2018-2022 jyldarǵa arnalǵan Ulttyq ınvestıtsııalyq strategııa ázirlendi. Tutastaı alǵanda, memleket ınvestıtsııalyq ahýaldy jetildirý jóninde birqatar keshendi sharalar qabyldaýda. Sonymen qatar, Qazaqstan Respýblıkasy Syrtqy ister mınıstrliginiń aqparatyna sáıkes, 2020 jyly elimizdiń ekonomıkasyna tikeleı sheteldik ınvestıtsııalar aǵyny 30 paıyzǵa tómendegen. Investıtsııalyq ahýaldy jaqsartý máseleleri ózekti bolyp qala beredi», - dedi D. Nazarbaeva.

Osyǵan baılanysty depýtat tıisti suraqtarǵa jaýap berýdi surady.

«Strategııany iske asyrýdyń aǵymdaǵy mártebesi qandaı, 2018-2020 jyldardyń nátıjeleri boıynsha negizgi nysanaly ındıkatorlarǵa qol jetkizildi me? Strategııa jańa ınvestıtsııalar tartý úshin eń tıimdi bolyp sanalatyn «perspektıvaly salalardy» anyqtaıdy, atap aıtqanda AKT, týrızm jáne qarjy. Eldiń osy salalardaǵy básekelestik pozıtsııalary kúsheıtildi me, strategııany iske asyrý jyldarynda qandaı negizgi ınvestıtsııalyq jobalarǵa bastamashylyq etildi? Osy esepti jyldary eldegi qazirgi ınvestorlardy ustap qalý jáne qaıta ınvestıtsııalaýdy yntalandyrý úshin qandaı naqty sharalar qabyldandy? Strategııa tıimdi operatsııalyq sharalardy júzege asyrýdy jáne ınvestıtsııalardy tartýdyń jańa tásilderin engizýdi qarastyrady. Investıtsııalyq jumysta qandaı jańa tásilder qoldanylady, olardy tájirıbege engizýdiń nátıjesi qandaı?», - dep surady Darıǵa Nazarbaeva.

«Strategııa ınvestorlardyń shaǵymdary men máselelerin sáıkestendirý júıesin qurýdy kózdedi. Bul júıe iske qosyldy ma? Budan basqa, ınvestıtsııalyq jobalardyń monıtorıngtik júıesi engizildi me, eldegi ınvestıtsııalyq ahýaldyń jaı-kúıine júıeli túrde taldaý júrgizilip jatyr ma? Strategııa sheńberinde ony iske asyrý barysyn taldaýǵa negizdelgen «Qazaqstannyń ınvestıtsııalyq ahýalynyń jaı-kúıi týraly jyl saıynǵy baıandamany» jarııalaý josparlanǵan bolatyn. Osy baıandama jarııalandy ma? 2020 jyly qandaı negizgi tujyrymdar jasaldy?», - dedi depýtat.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT