Jańalyqtar  >

Shet memleketter prezıdentteri Toqaevty saılaýdaǵy jeńisimen quttyqtap jatyr

2022 jylǵy 1 jeltoqsan, 20:19
Shet memleketter prezıdentteri Toqaevty saılaýdaǵy jeńisimen quttyqtap jatyr

ASTANA. QazAqparat - Qazaqstan Respýblıkasynyń Prezıdenti laýazymyna qaıta saılaýyna oraı Qasym-Jomart Toqaevtyń atyna quttyqtaý jedelhattary kelip túsip jatyr, dep habarlaıdy QazAqparat Aqordaǵa silteme jasap.

BUU Bas hatshysy Antonıý Gýterrısh óz quttyqtaýynda Memleket basshysyna sáttilik tilep, Qazaqstan Birikken Ulttar Uıymy men mýltılateralızmniń aınymas ári senimdi jaqtaýshysy ekenin atap ótti.

«Men ortaq múddege saı keletin máseleler jóninde, sondaı-aq Birikken Ulttar Uıymynyń Ortalyq Azııa boıynsha preventıvti dıplomatııa óńirlik ortalyǵy men uıymnyń Qazaqstandaǵy ókildik toptary arqyly tyǵyz qarym-qatynasty jalǵastyrýdy asyǵa kútemin. BUU Qazaqstannyń qaýipsizdik, turaqty damý, adam quqyǵy men genderlik teńdikti ilgeriletý salalaryndaǵy jahandyq syn-qaterlerge qarsy birlesken is-qımyldarǵa qoldaý bildirip, mindettemelerin oryndaıtynyna zor senim bildiredi», – dep jazylǵan jedelhatta.

Birikken Ulttar Uıymynyń 8-shi Bas hatshysy, Jahandyq jasyl ósý ınstıtýtynyń assambleıa Tóraǵasy Pan Gı Mýn da Qasym-Jomart Toqaevqa Qazaqstan Prezıdenti bolyp qaıta saılanýyna oraı júrekjardy tilegin joldady.

«Qazaqstannyń óńirlik mańyzy men Sizdiń kóshbasshylyq qasıetińiz Jahandyq jasyl ósý ınstıtýtynyń aımaqtyń turaqty damýyna eleýli úles qosýyna múmkindik beredi. «Jasyl» ósim perspektıvalaryn ilgeriletip, álemdik qoǵamdastyqqa klımattaǵy ózgerister salasynda kóshbasshylyq úlgisin kórsetý jáne keleshek urpaqqa ǵalamsharymyzdy taza qalpynda qaldyrý úshin Sizben birge jumys isteýge nıettimiz», – dep jazǵan Pan Gı Mýn.

Sonymen qatar Memleket basshysyna quttyqtaý jedelhattaryn Eýropalyq Keńes Prezıdenti Sharl Mıshel, Iran Islam Respýblıkasynyń Prezıdenti Ibrahım Raısı, Saýd Arabııasynyń Koroli – Qos kıeniń saqshysy Salman ben Abdýlazız Ál Saýd, Saýd Arabııasy Koroliniń Taq murageri – Mınıstrler keńesiniń tóraǵasy Muhammed ben Salman ben Abdýlazız ál Saýd, Iordanııa Koroli ІІ Abdalla, Qatar Ámiri Támım ben Hamad Ál Tánı, Qatar Ámiriniń orynbasary Abdalla ben Hamad Ál Tánı, Qatar Premer-mınıstri – Іshki mınıstri Haled ben Halıfa ben Abýlazız Ál-Tánı, Kýveıt ámiri Naýaf ál-Ahmad ál-Djábır ál-Sabah, Oman Sultany Haısam ben Tarıq, Palestına Prezıdenti Mahmýd Abbas, Maldıv Prezıdenti Ibragım Muhamed Solıh, Majarstan Prezıdenti Katalın Novak, Majarstan Premer-mınıstri Vıktor Orban, Polsha Prezıdenti Andjeı Dýda, Horvatııa Prezıdenti Zoran Mılanovıch, Fınlıandııa Prezıdenti Saýlı Nıınıste, Nıderland Koroli Ýılıam-Aleksandr, Avstrııa Prezıdenti Aleksandr Van der Bellen, Latvııa Prezıdenti Egıls Levıts, Lıtva Prezıdenti Gıtanas Naýseda, Estonııa Prezıdenti Alar Karıs, Slovakııa Prezıdenti Zýzana Chapýtova, Slovenııa Respýblıkasynyń Prezıdenti Borýt Pahor, Bolgarııa Prezıdenti Rýmen Radev, Soltústik Makedonııa Prezıdenti Stevo Pendarovskı, Kıpr Prezıdenti Nıkos Anastasıadıs, Úndistan Premer-mınıstri Narendra Modı, Japonııa Premer-mınıstri Fýmıo Kıshıda, Koreıa Prezıdenti ıÝn Sok El, Sıngapýr Prezıdenti Halıma ıAkob, Reseı Úkimetiniń tóraǵasy Mıhaıl Mıshýstın, BUU Órkenıetter Alıansynyń Joǵary ókili Mıgel Anhel Moratınos, RF Federaldyq Jınalysy Memlekettik Dýmasynyń tóraǵasy Vıacheslav Volodın, Máskeý jáne búkil Reseı Patrıarhy Kırıll, Ierýsalım Patrıarhy ІІІ Feofıl, Shanhaı yntymaqtastyq uıymynyń Bas hatshysy Chjan Mın, EQYU az ulttar isi jónindegi Joǵarǵy komıssary Qaırat Ábdirahmanov, Azyq-túlik qaýipsizdigi jónindegi ıslam uıymynyń Bas dırektory Erlan Baıdáýlet, TÚRKSOI Bas hatshysy Sultan Raev, Orta Azııa Katolıktik Epıskoptary Konferentsııasynyń tóraǵasy, Epıskop Hose Lýıs Mýmbıela-Sıerra, Dúnıejúzilik ekonomıkalyq forýmnyń negizin qalaýshy, professor Klaýs Shvab jáne basqalar joldady.


Uqsas jańalyqtar
Seriktester jańalyqtary

Jańalyqtar