Shavkat Rahmonov UFC týrnıriniń basty kardynda jekpe-jekke shyǵady

NUR-SULTAN. QazAqparat - Jartylaı orta salmaqtaǵy qazaqstandyq faıter Shavkat Rahmonovtyń UFC alańyndaǵy jekpe-jegi bir saty kóterildi, dep habarlaıdy QazAqparat sports.kz resýrsyna silteme jasap.

Eske sala keteıik, Shavkat Rahmonovtyń Gaıana sportshysy Karlston Harrısqa qarsy aıqasy 5 aqpan kúni Amerkıanyń Las Vegas qalasynda ótedi.

Kezdesý UFC Fight Night 200 týrnıriniń aldyn ala kardynan basty kardyna aýystyryldy.

Shavkat Rahmonov úshin bul - UFC meın kardyndaǵy debıýt jáne jalpy osy promoýshndaǵy úshinshi jekpe-jek bolady.

Aıta keteıik, munyń aldynda qazaqstandyq faıterdiń UFC-de ótkizgen eki jekpe-jek úshin qansha tabys tapqanyn jazǵan bolatynbyz.

Shavkat Rahmonov UFC-ge alǵash ret 2020 jyldyń qazan aıynda shyqqan.

Alǵashqy jekpe-jeginde qazaqstandyq sportshy birinshi raýndta brazılııalyq Aleks Olıveırany (22-10-1-2) jeńip shyqty.

Shavkattyń bul jekpe-jek úshin alǵan gonorary 37 500 dollardy qurady (10 000 dollar — oktagonǵa shyqqany úshin, 10 000 dollar – jeńiske jetkeni úshin, 3 500 dollar — jigerlendirý bonýsy, taǵy 14 000 dollardy Rahmonovqa salmaq ólsheýden ótpeı qalǵan qarsylasy «syılaǵan»).