+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Shashbaý, sholpy, er-turman: Mańǵystaýda tutas bir áýlet zergerlik ónermen aınalysady

2021 jylǵy 18 shilde 13:53
Bólisińiz:
Shashbaý, sholpy, er-turman: Mańǵystaýda tutas bir áýlet zergerlik ónermen aınalysady

AQTAÝ. QazAqparat - Mańǵystaý oblysynyń Beıneý aýylynda turatyn Ómirovter áýleti atadan balaǵa mıras bolǵan qazaq halqynyń dástúrli zergerlik ónerimen aınalysady, dep habarlaıdy QazAqparat tilshisi.

Búginde zeınet jasyna shyqqan otaǵasy Ótepqalı Ómirov - altyn men kúmisten túrli zergerlik buıymdardy soǵý ónerin, músin, kórkemsýret jáne sóz ónerin nasıhattap keledi.

Jubaıy Aınahan Esetova - jýrnalıst, aqyn-jazýshy, Qazaqstan jazýshylar odaǵynyń múshesi.

Ótepqalı zergerlik salany kásip retinde ǵana emes, kásibı túrde meńgerip, uldary Tólegen men Tóremuratqa jáne kenjesi Gúlkenjege atadan balaǵa jalǵasqan ónerdiń tizbegin úzbeı úıretip keledi.

Artynan ergen ul-qyzdary - T.Júrgenov atyndaǵy Qazaq ulttyq óner akademııasynyń túlekteri.

Beıneýdegi shaǵyn sheberhanada ákesi men uldary ártúrli naqyshta zergerlik buıymdar soqsa, kenje qyzy qazaqtyń kórkem toqymasymen aınalysady.

Qazaqylyq saqtalsa, sol jerde qazaq zergerlik ónerine suranys bar degen qaǵıdany ustanatyn zergerler sheberhanasynda shashbaý, sholpy, syrǵadan bastap er-turman, qamshy, asataıaq, kádesyıǵa arnalǵan dúnıelerge deıin jasalady.

Zergerdiń aıtýynsha, tabatyn tabysy berilgen tapsyrysqa baılanysty bolǵandyqtan ónimniń sapasyna, jasalý ýaqytyna, kompozıtsııasyna asa mán beriledi.

«Máselen, bir ǵana kúmisten jasalatyn tehnologııasy eń qarapaıym saqınalardy úsh kúnde jasap shyǵarsaq, órnekteri qıyn, kompozıtsııalyq turǵydan tutynýshynyń talabymen sheshilgen buıymdar bir aıdan astam ýaqytta daıyn bolady. Jumys barysynda mańǵystaýlyq zergerlik ónerdiń ereksheliginiń biri - sirkeleý jáne zerleýge basymdyq beremin», - deıdi zerger.

Ózindik qupııasy jáne ádisterimen erekshelenetin «ÓMІR JEWELRY» belgisimen tanymal sheberlerden quralǵan otbasynyń maqsaty - saf ónerdi odan ári damytyp, álemdik suranysqa ıe bolatyn buıymdar jasaý.


Bizdiń kanalymyzǵa jazylyńyz:

Bólisińiz:

Avtor:

Qarakóz Marat

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT