+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Sharyn shatqalynda qyz balany qutqarǵan qutqarýshylar marapattaldy

2021 jylǵy 15 maýsym 12:39
Bólisińiz:
Sharyn shatqalynda qyz balany qutqarǵan qutqarýshylar marapattaldy

TALDYQORǴAN. QazAqparat - Qazaqstan Respýblıkasy Tótenshe jaǵdaılar mınıstriniń alǵys hatymen Sharyn shatqalyndaǵy 10 jastaǵy qyzdy qutqarýǵa qatysqan 20 adam marapattaldy, - dep habarlaıdy QazAqparat tilshisi.

Almaty oblysy Tótenshe jaǵdaılar departamentindegi baspasóz qyzmetiniń málimetinshe,

Sharyn memlekettik ulttyq parkiniń gıd-ekskýrsovody Ernar Júnisov Sharyn ózeniniń jaǵasynda sel aǵyzǵan qyzdy birinshi bolyp baıqaǵan.

Іzdestirý-qutqarý jumystaryn sátti oryndaǵany úshin Sharyn memlekettik ulttyq parkiniń gıd-ekskýrsovody Ernar Júnisov, Almaty oblysy TJD JQJ súńgýirlik-qutqarý bólimshesiniń basshysy Sergeı Sınıakov, « Qazavıaqutqarý» AQ Eýrokopter-145 pılot-nusqaýshysy Andreı Býhal marapattaldy. Sondaı-aq, Uıǵyr aýdanynyń TJB bas mamany Rınat Ablemıtov, RJQJ qutqarýshylary Muqanǵalı Qabylov, Beısenǵalı Dúısebaev, Vıacheslav Smolov, Saltanat Nazımova, Bekjan Qaraǵýshınov, Vıacheslav Sheger, ıÝsýf Jakan, Birjan Baıkýlov, Maqsut Serǵazın, Lıýbov Efremova alǵys hattarǵa ıe boldy. Jáne de Uıǵyr aýdanynyń jedel medıtsınalyq járdem brıgadalarynyń 16/1 jáne 16/2 qyzmetkerleri Danııar Núsipalıev, Berikbol Maqtybaev, Gúlnar Qoja, ıArshat Mahambet, Ulan Baǵdatov marapattaldy.

«Almaty oblysy TJD Jedel qutqarý jasaǵy súńgýirlik-qutqarý bólimshesiniń basshysy Sergeı Sınıakov balamen qutqarýshyny ózen arqyly tasymaldaý úshin tikushaq shańǵysyna qosarlanǵan arqandy bekitip, saqtandyrý ushyn tastap aýa arqyly kóterdi. Al, jedel járdem qyzmetkerleri qyzǵa medıtsınalyq kómek kórsetti.

Qutqarylǵan 10 jasar qyzǵa dárigerge deıingi alǵashqy kómek kórsetilgennen keıin tikushaqpen Boraldaı kentiniń áýejaıyna jetkizildi»,- delingen vedomstvonyń baspasóz qyzmeti jarııalaǵan habarlamada.

Esterińizge sala ketsek, 29 mamyr kúni Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn. Bir táýlikke jýyq ýaqyttan soń on jastaǵy oqýshy qyz aman-esen tabyldy . Aman-esen tabylǵan oqýshy jaǵdaıdyń qalaı bolǵanyn aıtyp bergenin habarlaǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT