+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Sharýalar nazardan tys qalmaıdy - Ómirzaq Shókeev

2020 jylǵy 22 naýryz 05:38
Bólisińiz:
Sharýalar nazardan tys qalmaıdy - Ómirzaq Shókeev

SAIRAM AÝDANY. QazAqparat - Oblys ákimi Ómirzaq Shókeev aýyl sharýashylyǵy salasynda eńbek etetin azamattarmen kezdesip, eldegi tótenshe jaǵdaıǵa daıyndyǵyn baqylady, dep habarlaıdy QazAqparat.

Uqsas jańalyqtar
Jetisaılyq dıqandar qyryqqabat egýdi bastady Aqmola oblysynda ótken jyly aýyl sharýashylyǵy boıynsha 40 joba iske asyryldy SQO-da sharýa qojalyǵy baldyr ósirip, jemazyq retinde qoldanýda

Saıram aýdanyna arnaıy jumys saparymen kelip, dıqandardyń tynys-tirshiligimen tanysty. Aımaq basshysymen júzdesken sharýa qojalyqtary men jylyjaılardyń ıeleri óz máselesin ortaǵa saldy. Ómirzaq Estaıuly ótpeli kezeńniń qıyndyqtaryna tótep berip, alańdamaýǵa shaqyrdy. Kerisinshe, jumysty kúsheıtýdi tapsyrdy.

«Sharýalar nazardan tys qalmaıdy. Eldegi tótenshe jaǵdaıǵa baılanysty aýyl sharýashylyǵy salasynyń aqsaýyna jol berilmeıdi. Kerisinshe, qaıta jumysty kúsheıtý qajet. Memleket tarapynan qoldaý kórsetiledi. Qosymsha qajettilikter týyndap jatsa, qarastyrylady. Bul kezeń otandyq ónim kólemin arttyrýǵa úlken múmkindik. Oblysta azyq-túlik qory jetkilikti, baǵalardy negizsiz ósirýge jol berilmeıdi», - dedi oblys ákimi.

Aýyl sharýashylyǵy ónimderimen tolyq qamtamasyz etý maqsatynda sharýa qojalyq ıeleri egistik jerden eki-úsh ret ónim alýdy toqtatpaımyz dep otyr. Aýdandaǵy birneshe sharýa qojalyqtardyń jumysymen tanysqan Túrkistan oblysynyń ákimi Ómirzaq Shókeev saıramdyqtardyń eńbekqorlyǵyn qup kórdi.

Ár aýyl okrýginen aýyl sharýashylyǵy salasynda aldyńǵy qatarly tehnologııalardy qoldana otyryp, jylyna birneshe ret ónim alatyn taýar óndirýshiler tizimi bekitilgen. Búginde 100-den astam sharýashylyq 145,8 ga egistik alqapta egin ekken. Atap aıtqanda, kartop, qyryqqabat, sábiz, pııaz, sarymsaq, nohat, qııar men tátti burysh egildi. Aýdanda 100-den astam shaǵyn jáne iri jylyjaılarlar tynymsyz jumys isteıdi.

Ómirzaq Shókeev Saıram aýdanyndaǵy quramajem shyǵaratyn zaýyttyń ujymymen kezdesti. Osyǵan deıin Ózbekstan, Aýǵanstan, Iran elderine eksport jasaıtyn óndiris ornynyń jumysy josparǵa sáıkes júrip jatyr.

Aımaq basshysy Qolkent aýyl okrýgindegi ınjenerlik - kommýnıkatsııalyq júıeleriniń qurylysy nysanynda boldy. Mekeme aýyz sý, elektr jelisi, sý qubyry jobalaryn iske asyrady.



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT