+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Shardarada qoryqshylarǵa jasalǵan shabýyl: Ekologııa mınıstrligi oqıǵanyń mán-jaıyn aıtty

2021 jylǵy 12 maýsym 23:14
Bólisińiz:
Shardarada qoryqshylarǵa jasalǵan shabýyl: Ekologııa mınıstrligi oqıǵanyń mán-jaıyn aıtty

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Túrkistan oblysynyń Shardara sý qoımasynda qoryqshylarǵa jasalǵan shabýyldyń mán-jaıyn aıtty, dep habarlaıdy QazAqparat.

«Aral-Syrdarııa oblysaralyq balyq sharýashylyǵy basseındik ınspektsııasynyń habarlaýynsha, 10 maýsymda shamamen saǵat 14.30-da «Nuraly» JShS balyq sharýashylyǵy qoryqsha qyzmetkerleri Shardara sý qoımasynda reıd ótkizgen jáne brakonerlik faktisin anyqtaǵan. Elektr togymen zańsyz balyq aýlaǵandardy ustaý kezinde quqyqbuzýshylar qyzmetkerlerdi uryp-soǵyp, fızıkalyq kúsh kórsetken jáne qylmys ornynan qashyp ketken», - dep habarlady QR EGTRM Balyq sharýashylyǵy komıtetinen.

QR Qylmystyq kodeksiniń 380-2-babyna sáıkes, janýarlar dúnıesin qorǵaý jónindegi memlekettik ınspektorǵa, janýarlar dúnıesin qorǵaý jónindegi mamandandyrylǵan uıym ınspektoryna, qoryqshyǵa kúsh qoldanǵany úshin 5 jyldan 10 jylǵa deıin bas bostandyǵynan aıyrý túrinde qylmystyq jaýapkershilik kózdelgen. Osyǵan baılanysty, atalǵan fakti 2021 jylǵy 10 maýsymda sotqa deıingi tergep-tekserýdiń biryńǵaı tizilimine tirkeldi.

Budan basqa, elektr togymen balyq resýrstaryn zańsyz óndirgeni úshin QR QJK 335-babynda úsh myń aılyq eseptik kórsetkishke deıin aıyppul salý ne sol mólsherde túzeý jumystary ne segiz júz saǵatqa deıin qoǵamdyq jumysqa tartý ne úsh jylǵa deıin bas bostandyǵyn shekteý ne sol merzimge bas bostandyǵynan aıyrý, múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 5 jylǵa deıin aıyrý jazalary bar.

«Ekologııa, geologııa jáne tabıǵı resýrstar mınıstrliginiń Balyq sharýashylyǵy komıteti bul oqıǵany erekshe baqylaýǵa aldy, quqyq qorǵaý organdarymen birlesip kúdiktilerdi izdeý, keıinnen kináli adamdardy qylmystyq jaýapkershilikke tartý jumystary júrgizilýde. Sonymen birge, brakonerlikpen kúresti kúsheıtý maqsatynda Aral-Syrdarııa basseıniniń balyq sharýashylyǵy aıdyndarynda ІІM-men birlesken keń aýqymdy jedel-profılaktıkalyq is-sharalar ótkizý máselesi pysyqtalýda», - dedi komıtetten.

Eske salaıyq, buǵan deıin Túrkistan oblystyq Polıtsııa departamenti Shardara sý qoımasynda qoryqshylarǵa shabýyl jasady degen kúdikpen 6 brakoner ustalǵanyn habarlaǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT