+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Shańyraq kótergenine 75 jyldan asqan jetisaılyq erli-zaıypty bıyl 100 jasqa tolady

2020 jylǵy 26 mamyr 23:50
Bólisińiz:
Shańyraq kótergenine 75 jyldan asqan jetisaılyq erli-zaıypty bıyl 100 jasqa tolady

JETІSAI. QazAqparat - Túrkistan oblysynyń Jetisaı qalasynda turatyn Oryn aqsaqal men Gúlsim ájeniń nekeleskenine 80 jylǵa taıady. Olar elimizde eń uzaq jasasyp kele jatqan erli-zaıypty sanalady, dep habarlaıdy QazAqparat Qazaqstan ulttyq arnasyna silteme jasap.

Qos qarııanyń da jasy bıyl 100-ge keledi. Ǵasyrǵa jýyq ǵumyr keshken qarttardan taraǵan urpaqtyń ózi búginde 200-den asqan.

Oryn aqsaqaldyń balalyq shaǵy asharshylyq kezine tuspas tus kelken. Ash-jalańashtyǵyna qaramastan anasy men jeńgesine ilesip, qoı baqty.

«Erte turatyn em. Qoıdyń sońynan 4-5 jyl júrdim. Eshqandaı atqa, esekke otyrǵan emespin. Qazir ǵoı bir shaqyrymǵa bola mashınaǵa otyrady. Qazir de kóbine jaıaý júremin» dep eske alady Oryn Aqshaev.

Myrzashóldi sýlandyryp, el osynda qonystana bastaǵan jyldary ata-anasyń uıǵarymymen Gúlsimmen bas qosty. Bir-birin tanyp bilmegen eki jastyń otbasylyq ómiri bastaldy. Jubaıy 14 qursaq kótergen. Qazir solardan 4 ul men 3 qyzdyń kózi tiri. Tuńǵyshynyń jasy búginde 71-de.

«Men kórmegendi bul kóredi. Bir-birimizdiń áńgimemizdi tyńdaımyz. Kórgenin aıtady. Soǵan da qýanamyz. Syrlaspyz ǵoı, syrlas» deıdi jubaıy Gúlsim Aqshaeva.

Oryn aqsaqal shańyraǵynan 20 qyz uzatyp, 28 kelin túsirgenin árkez maqtanyshpen aıtady. Búginde eki uly men kelini, olardan taraǵan eki nemere men kishi kelinder de bir shańyraq astynda tatý-tátti kún keship jatyr. Ózgeleri óz aldyna bólek shańyraq.

«Qarııasy bar úıdiń qonaǵy kóp bolady dep, sol qonaǵymen qyzyq bolady eken. Biraz kún qonaq kelmeı qalsa saǵynyp otyramyz» deıdi áýlettiń kelini Janar Orynova.

Jasy ulǵaıǵanymen Oryn aqsaqal áli tyń. Qımyly shıraq. Áli kúnge tulpar baptap, at minedi. Delebesi qozyp, báıge men kókpar dodasyn tamashalaýǵa da baryp turady.

«At - erdiń qanaty» degen sóz bar ǵoı. Atqa mingenime 80 jyl boldy. Sodan beri atpen aınalysam. Mynaý - bes jasar atym. Balalarǵa ara tura shaptyryp qoıamyn. Ázir de ózim minip júremin» deıdi Oryn aqsaqal.

Súıegi asyl qos qarııa búginde shópshek súıip, perzentteriniń ósip-óngenin kórip, marqaıyp otyrǵan jaıy bar.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT