+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Shanhaıda tuńǵysh ret Abaı oqýlary ótti

2021 jylǵy 12 maýsym 15:48
Bólisińiz:
Shanhaıda tuńǵysh ret Abaı oqýlary ótti

ShANHAI. QazAqparat – Qazaqstan men Qytaı arasyndaǵy mádenı-gýmanıtarlyq jáne bilim berý salasyndaǵy yntymaqtastyqty odan ári damytý, sondaı-aq uly Abaıdyń ádebı jáne mýzykalyq murasyn nasıhattaý maqsatynda Qazaqstannyń Shanhaıdaǵy Bas konsýldyǵy Shanhaı kitaphanasymen birlesip Qytaıdyń mańyzdy mádenı jáne ekonomıkalyq ortalyǵynda alǵashqy «Abaı oqýlaryn» ótkizdi. Bul týraly QazAqparat QR SІM baspasóz qyzmetine silteme jasap habarlaıdy.

Uqsas jańalyqtar
Jaıaý Musanyń dúnıege kelgenine 186 jyl toldy Samal Eslıamova túsken «Barymtashylar. Ýaqyt joly» fılmi Frantsııanyń 21 qalasynda prokatqa shyqty Qytaıǵa joıqyn daýyl taıap qaldy: 1,6 mln-nan astam adam evakýatsııalandy

Ashylý saltanatynda Qazaqstannyń Bas konsýly Rahymjan Rahımov, kitaphana dırektory Chen Chao jáne (Beıjińnen beınebaılanys arqyly) Qytaıdyń belgili jazýshysy, Abaı shyǵarmalarynyń aýdarmashysy Aqbar Májıt quttyqtaý sóz sóıledi.

Abaı oqýlarynyń baǵdarlamasyna Qazaqstan, Qytaı jáne Reseı azamattary birneshe tilde usynǵan Abaıdyń tanymal ádebı jáne mýzykalyq shyǵarmalary endi. Qytaı tarıhshysy jáne saıasattanýshysy Azat Izollauly «Kóńilim qaıtty dostan da, dushpannan da» óleńinen úzindi oqydy. Qytaı ánshisi Lın Bao men reseılik ánshi Nıkolaı Shamov «Kózimniń qarasy» jáne «Aıttym sálem Qalamqas» ánderin qazaq tilinde oryndady. Qytaılyq antropolog-ǵalym Chjan Shan dombyra men sybyzǵyda asqan sheberlikpen óner kórsetti.

Іs-shara aıasynda Bas konsýldyq kitaphananyń qoryna Abaı shyǵarmalarynyń qytaı tilinde jaryq kórgen basylymdaryn tabystady.

Jalpy, alǵashqy Abaı oqýlary Qytaı turǵyndaryn uly aqyn, oıshyl jáne kompozıtordyń shyǵarmalarymen jaqynyraq tanystyrýǵa múmkindik berip, qatysqan qonaqtardyń joǵary baǵasyna ıe boldy.

Atap aıtqanda, Shanhaı saıası ǵylymdar jáne quqyqtaný ýnıversıteti janyndaǵy Eýrazııa ǵylymı-zertteý ınstıtýtynyń dırektory Lı Sınniń aıtýynsha, Abaı shyǵarmalarynda tereń maǵyna bar jáne ótken ádebı basqosý onyń óleńderi men ánderimen jandy oryndaýda tanysýǵa tamasha múmkindik berildi.

Shanhaı qoǵamdyq ǵylymdar akademııasynyń Reseı men Ortalyq Azııany zertteý ortalyǵynyń dırektory Pan Daveı pikirinshe, ótkizilgen is-shara Qazaqstan men Qytaı arasynadǵy mádenı-gýmanıtarlyq qarym-qatynastardy nyǵaıtýǵa oń septigin tıgizedi.

Shanhaı shet tilder ýnıversıtetinde Reseı, Shyǵys Eýropa jáne Ortalyq Azııa ınstıtýty Ortalyq Azııa tilderi fakýltetiniń dekany Ý Aıchjýn uıymdastyrýshylarǵa shynaıy rızashylyǵyn bildirip, bolashaqta jańa da birlesken mádenı-bilim berý is-sharalaryn ótkizýdi qoldaýǵa daıyn ekendigin bildirdi.

Birinshi Abaı oqýlaryna Shanhaı jáne Nınbo qalalary, Chjetszıan provıntsııasy halyq úkimetteriniń syrtqy baılanystar basqarmalarynyń, Shanhaı shet eldermen dostyq qaýymdastyǵynyń, Shanhaı qalasynyń Halyqaralyq saýdaǵa járdemdesý jónindegi komıtetiniń, Shanhaı qoǵamdyq ǵylymdar akademııasy, Shanhaı halyqaralyq zertteýler akademııasy, Shanhaı saıası ǵylymdar jáne quqyqtaný ýnıversıteti, Shyǵys-Qytaı pedagogıkalyq ýnıversıteti jáne Shanhaı shet tilder ýnıversıteti sııaqty iri ǵylymı zertteý jáne bilim berý ortalyqtarynyń basshylary men ókilderi qatysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT