+7 (701) 759 90 19
USD 414.94 EUR 504.03
RUB 5.59 CNY 64.22
Jańalyqtar

Shahtınsk qalasynda avtovokzal qalpyna keltiriledi

2021 jylǵy 25 qańtar 06:20
Bólisińiz:
Shahtınsk qalasynda avtovokzal qalpyna keltiriledi

ShAHTINSK. QazAqparat – Qaraǵandy oblysynyń ákimi Jeńis Qasymbek Shahtınsk qalasyndaǵy avtovokzaldy qalpyna keltirýdi tapsyrdy. Ǵımarat 20 jyldan astam ýaqyt jeke menshikte bolǵan jáne jumys istemegen.

Uqsas jańalyqtar
Almatydaǵy ortalyq saıabaqta jataqhana salynbaıtyn boldy Almatyda stýdentterge arnalǵan eki jataqhana salynyp jatyr Atyraý oblysynda 500 oryndyq Qaıtpaı Sultan meshitiniń irgetasy qalandy

20 jyl aralyǵynda nysannyń bes ret ıesi aýysqan. Biraq olardyń birde-biri ǵımaratty tıisinshe paıdalanbaǵan. Qala turǵyndary birneshe ret avtovokzaldy retke keltirýdi suraǵan bolatyn.

«Syn aıtylyp jatqanyn kórip otyrmyz. Qala turǵyndaryna avtovokzal qadet. Ony tıisti jaǵdaıǵa jetkizip, el ıgiligine berińizder. Bul ǵımarat osy kúıinde qalanyń kireberisinde tur. Jóndeýge qajet qarajatty bıýdjet kótere alady. Sondyqtan ony bıyl jóndeńizder», - dedi Jeńis Qasymbek Shahtınsk qalasynyń ákimi Serjan Aımakovqa.

«Biz ótken jyly avtovokzaldy kommýnaldyq menshikke aýystyrdyq, tehnıkalyq saraptama jasadyq. Injenerlik kommýnıkatsııalar retke keltirile bastady. Sondaı-aq, shatyrdy tolyǵymen aýystyryp, ǵımarattyń ishki jáne syrtqy jóndeý jumystaryn júrgizýimiz kerek», - dedi Serjan Aımaqov.

Jeńis Qasymbek Shahtınsk qalasyna jumys sapary kezinde avtobeketti ǵana emes, qalanyń birneshe kásiporyndary men bilim berý uıymdaryn da aralap qaıtty. Oblys ákimi A.Ismaılov atyndaǵy balalar kórkemsýret mektebinde boldy. Sondaı-aq jumys kadrlaryn daıarlaıtyn Shahtınsk tehnologııalyq kolledji úshin Jumyspen qamtý jol kartasy boıynsha bólingen 200 mln teńgege jýyq qarajat qaı baǵytqa jáne qalaı jumsaǵandaryn tekserdi. Aıta ketý kerek, bul lıftiler men eskalatorlardy jóndeý jáne qyzmet kórsetý boıynsha mamandar shyǵaratyn aımaqtaǵy jalǵyz mekeme. Jaqynda munda gazben jabdyqtaý qyzmeti úshin dánekerleýshilerdi oqytý bastaldy.

Ótken jyly oqý mekemesiniń 50 jyldyq tarıhynda munda alǵash ret kúrdeli jóndeý júrgizildi, oqý korpýstary jańartyldy.

«Kolledj «ArselorMıttal Temirtaýmen« tyǵyz baılanysta. Bizdiń túlekter úshin bul negizgi jumys berýshi. Biz onymen shart jasastyq, endi stýdentterdi dýaldy bilim berý boıynsha «AMT« tapsyrysyna arnaıy daıyndap jatyrmyz. Bizde 13 mamandyq boıynsha myńǵa jýyq adam oqıdy. Kolledjdi jóndegennen keıin jataqhana máselesi kóterildi. Bıyl bizge ony jóndeýge qarajat bólindi. Basqa qaladan kelgen stýdentter úshin bul, árıne, óte jaqsy jańalyq», - dedi Shahtınsk tehnologııalyq kolledjiniń dırektory Álııa Sáttibaeva.

Monoqalanyń ındýstrııalyq baǵyttylyǵyn eskere otyryp, Shahtınsk qalasynda mektep oqýshylaryna qosymsha tehnıkalyq bilim berýge kóp kóńil bólinedi. Mysaly, balalar-jasóspirimder ortalyǵynda 22 úıirme kabıneti, tehno ortalyq, FabLab (oqý stanoktary bar zerthana) jáne STEM-zerthana jabdyqtalǵan. Balalar gıdroponıkany úırenedi, Kemelerdi modeldeıdi, elektrondy dızaındy úırenedi jáne taǵy basqalar.

Oblys ákimi Jeńis Qasymbek Shahtınsk qalasyna jumys sapary barysynda qalany damytý jóninde keńes ótkizdi. Serjan Aımakov bıylǵy jyly Shahtınsk qalasynda dene shynyqtyrý-saýyqtyrý kesheni ashylatynyn, 230 páterli úıler salynatynyn jáne Shahan kentinde qazandyq qurylysy aıaqtalatynyn baıandady. Sodan keıin úılerdi ortalyq jylýǵa kezeń-kezeńmen qosý bastalady.

Jalpy, belgili bir oń nátıjelerge qol jetkizildi, biraq jumys fronty áli de úlken. Birqatar problemalyq máseleler qalyp otyr, atap aıtqanda: sýmen jabdyqtaý, aýlalardy abattandyrý jáne JEO jóndeý.

«Munyń bárin biz qalaı sheshetinimiz týraly paıym bar. Turǵyndardyń synyn nazardan tys qaldyrmańyzdar!» - dep Jeńis Qasymbek qala basshylyǵyna tapsyrma berdi.

Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT