Shaǵyn jáne orta bıznestiń damýyna kedergi keltiretinderdiń bári qatań jaýapqa tartylady - Toqaev

2022 jylǵy 26 qarasha, 11:20
Shaǵyn jáne orta bıznestiń damýyna kedergi keltiretinderdiń bári qatań jaýapqa tartylady - Toqaev

ASTANA. QazAqparat – Shaǵyn jáne orta bıznestiń damýyna kedergi keltiretinderdiń bári qatań jaýapqa tartylady. Bul týraly QR Prezıdenti Qasym-Jomart Toqaev saltanatty ulyqtaý rásiminde aıtty, dep habarlaıdy QazAqparat tilshisi.

«Basty mindet – isker azamattarymyzdyń kásipkerlik rýhyna zııanyn tıgizetin jasandy kedergiler men shekteýlerdiń bárin joıý. Kásipkerler bızneske júrgiziletin sebepsiz tekserýlerdi birjolata umytýy qajet. Olar tek salyq organdarynyń aldynda ǵana esep beredi», - dedi Qazaqstan Prezıdenti.

Qasym-Jomart Toqaev memleket pen bıznes – senimdi seriktester ekendigin basa aıtty.

«Shaǵyn jáne orta bıznestiń damýyna zańsyz kedergi keltiretinderdiń bári zańǵa sáıkes qatań jaýapqa tartylady. Biz aýqymdy ındýstrııalandyrýdy, ınfraqurylymdardy salýdy jáne jańǵyrtýdy qolǵa alamyz. Keń baıtaq elimizdiń ár óńiriniń damýyna tyń serpin berý mańyzdy», - dedi Memleket basshysy.


Uqsas jańalyqtar
Seriktester jańalyqtary

Jańalyqtar