Seýlde saılaýaldy naýqan kezinde bıliktegi partııa basshysyn balǵamen urǵan
2022 jylǵy 8 naýryz 00:13

Seýlde saılaýaldy naýqan kezinde bıliktegi partııa basshysyn balǵamen urǵan

SEÝL. YONHAP- QazAqparat - Seýlde saılaýaldy naýqan kezinde 70 jastaǵy qart bıliktegi ​​Demokratııalyq partııanyń (DP) tóraǵasy Son En Gılge balǵamen shabýyl jasap, ony jaraqattaǵan, dep habarlaıdy QazAqparat YONHAP agenttigine silteme jasap.

Song sársenbide ótetin prezıdenttik saılaý qarsańynda Seýldiń Sınchon aýdanynda úgit-nasıhat jumystaryn júrgizip jatqan. Sol shaqta álgi qart adam artynan kelip, qara plastık paketke oralǵan balǵamen basynan birneshe ret urǵan.

«Basynan qan aqqan Song jaqyn mańdaǵy aýrýhanaǵa jetkizildi», dep habarlady DP ókilderi.

Oqıǵa bolǵan jerde júrgen adamdar shabýyl jasaǵan qartty ​​birden ustap, polıtsııaǵa jetkizgen.

Polıtsııa kúdiktiniń saılaý boıynsha zańnamany buzǵandyǵy jáne dene jaraqatyn salǵandyǵy úshin jaýap berip jatqandyǵyn málimdedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT