+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

Serik Negımov: Prezıdent Joldaýy  - memlekettiń strategııalyq damýynyń aınasy

2021 jylǵy 3 qyrkúıek 19:16
Bólisińiz:
Serik Negımov: Prezıdent Joldaýy  - memlekettiń strategııalyq damýynyń aınasy

NUR-SULTAN. QazAqparat - Prezıdent Qasym-Jomart Toqaevtyń Qazaqstan halqyna bul Joldaýy - memlekettiń strategııalyq damýynyń aınasy. Mundaı pikirdi Qazaqstannyń eńbek sińirgen qaıratkeri, L.Gýmılev atyndaǵy EUÝ professory, fılologııa ǵylymdarynyń doktory Serik Negımov bildirdi, dep habarlaıdy QazAqparat tilshisi.

«El Prezıdenti Qasym-Jomart Toqaevtyń bıylǵy Joldaýynda memleketimizdiń damý strategııasy naqty aıqyndalǵan. «Egemendik degenimiz – jalań uran men jalyndy sóz emes. Biz úshin eń mańyzdysy – ár azamattyń Táýelsizdik ıgiligin sezine alýy. Onyń basty kórinisi – eldegi beıbit ómir, qoǵamdaǵy turaqtylyq pen tynyshtyq. Sondaı-aq, halyqtyń turmys sapasynyń jaqsarýy jáne jastardyń bolashaqqa nyq senimmen qaraýy. Barlyq bastamamyz osyǵan baǵyttalýda», dep atap ótti Memleket basshysy. Joldaýdyń ózekti ıdeıasyn osy joldardan baıqaýǵa bolady. Bul shyn mánisinde patrıottyq oıdy ashyq kórsetip otyr. Prezıdent Joldaýynda memleketimizdiń ekonomıkasy, ekologııasy, ǵylymy, bilim berý júıesi, jer qoınaýy, sondaı-aq aýyl sharýashylyǵynyń áleýeti, azyq-túlik baǵasy, aýyz sý máselelerin naqty atap kórsetti», - dedi ǵalym.

Osy oraıda Serik Negımov Joldaýda aýyl sharýashylyǵy salasyn damytýǵa qatysty mańyzdy tapsyrmalar berilgenin jetkizdi.

«Memleket basshysy bıyl aýyl sharýashylyǵy jerlerin sheteldikterge jáne olardyń qatysy bar kompanııalarǵa satýǵa jáne jalǵa berýge birjola tyıym salǵan zańǵa qol qoıǵanyn bilemiz. Aýyl sharýashylyǵy jerlerin halyqtyń ıgiligi úshin paıdalanýda mańyzdy qadamdar jasalyp otyr. Sonymen qatar, Prezıdent densaýlyq, bıologııalyq qaýipsizdik jóninde jaqsy oılaryn kópshilikke jetkizdi. Atap aıtqanda, qorǵanys ónerkásibi keshenin jáne Áskerı doktrınamyzdy tolyǵymen qaıta qaraý baǵyttary osy Joldaýdyń jaqsy bir sıpaty bolyp tur. Óıtkeni, qorǵanys qabiletimizdi nyǵaıtýǵa aıryqsha mán berý nazardan tys qalmaǵany abzal», - dedi fılologııa ǵylymdarynyń doktory.

«Prezıdent bilim berý salasyna toqtala kele, elimizdegi mektepter sanyn arttyrýǵa erekshe ekpin qoıdy. Osy oraıda aldaǵy jyldary salynatyn mektep sanyn bir myńǵa jetkizýdi mindettedi. Joldaýda elimizdiń ǵylymı-ıntellektýaldyq mádenıetin joǵary kóterýge, ǵylymdy damytýǵa baılanysty salmaqty oılar aıtyldy. Ata Zańymyzda Qazaqstannyń memlekettik tili qazaq tili ekeni naqty kórsetilgen. Memleket basshysy osyǵan qatysty naqty shegelep aıtty. Qazaq tili ǵylym tiline jıyrmasynsha ǵasyrdyń basynda aınalǵan bolatyn. Oǵan dálel retinde Alash qaıratkerleriniń eńbegin atap ótýge bolady. Sol kezde qazaq tilindegi ǵylymı til keremet damyǵan edi. Alaıda keńestik kezeńde osynyń bárine tyıym salyndy. Sondyqtan Táýelsizdik kezeńinde qazaq tilindegi ǵylymı baǵdar tyń serpin aldy. Osy oraıda Joldaýda Prezıdent óziniń ádil pikirin aıtty», - dedi Serik Negımov.

Munymen qosa ǵalym Memleket basshysy halqymyz úshin zııaly qaýymnyń mańyzy jaıynda erekshe pikir bildirgenin aıtty.

«Zııaly qaýym ult taǵdyryna qatty áser etedi. Ult zııalylarynyń ustanymdary memleketimizdiń rýhanı damýynda zor úles qosatyn qubylystar. El Prezıdentiniń Qazaqstan halqyna bul Joldaýy - memlekettiń strategııalyq damýynyń aınasy», - dedi professor.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT