+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Serik Negımov: Prezıdent  Joldaýy – el órkendeýiniń alǵysharty

2020 jylǵy 2 qyrkúıek 13:13
Bólisińiz:
Serik Negımov: Prezıdent  Joldaýy – el órkendeýiniń alǵysharty

NUR-SULTAN. QazAqparat - QR Prezıdenti Qasym-Jomart Toqaevtyń Qazaqstan halqyna arnaǵan Joldaýy - elimizdiń órkendeýiniń alǵysharty. Mundaı pikirdi L.Gýmılev atyndaǵy EUÝ professory, fılologııa ǵylymdarynyń doktory Serik Negımov bildirdi, dep habarlaıdy QazAqparat tilshisi.

«Ár jyl saıynǵy Prezıdent Úndeýi men Joldaýy jańalyqtarymen, qundy ıdeıalarymen, elimizdiń jańǵyrýyna, órkendeýine negiz bolatyn salmaqty tujyrymdarmen erekshelenedi. Óıtkeni Perzıdent Joldaýy - elimiz úshin jyl saıynǵy basty qujat. Prezıdenttiń bul jolǵy Joldaýy Qazaqstan ekonomıkasyn kóterip, halyqtyń ál-aýqatyn arttyrýǵa arnalyp otyr. Osyǵan oraı bul Joldaý búkil halyqtyń kóńilinen shyqty. Qazir ol memleketimizdiń barlyq aýmaqtarynda, basqarý, oqý-óndiristik salalarda, memlekettik emes uıymdarda keń qoldaý taýyp otyr dep oılaımyn», - dedi ol.

Ǵalymnyń atap ótýinshe, Joldaýdyń ereksheligi - memleketimizdiń jáne halyqtyń aldaǵy kezeńderdegi damý jolyn aıqyndap berip otyrǵandyǵynda. Sonymen birge osy jyl álemdi alańdatqan koronavırýs indetine qarsy saqtyq sharalary da atalyp ótti. Prezıdent tótenshe jaǵdaı men jeti aılyq karantın kezinde tynbaı jumys istep kele jatqan dárigerlerge, áskerılerge, quqyq qorǵaý qyzmetkerlerine, kásipkerlerge, eriktilerge shyn júrekten alǵys aıtty.

«Eń bastysy, biz halyqtan eshteńe jasyrmaı, indetten qaza tapqandar týraly ashyq aqparat berdik. Qanshalyqty ay bolsa da, jaǵdaıdy ashyq aıtyp otyrdyq. Kúres áli jalǵasýda», degen Prezıdent koronavırýs indetimen kúresý áli jalǵasatynyn, sondyqtan bosańsymaý kerektigin eskertip ótti. Sonymen qatar Prezıdent Joldaýda jedeldetilgen ekonomıkalyq jańǵyrtý - údemeli ındýstrııalyq-ınnovatsııalyq damý baǵdarlamasynyń jalǵasy ekeni kórsetilip, osy jospar aıasynda aýyl sharýashylyǵyn damytyp, jańa kásiporyn ashý, qazaqstandyq azamattardyń turaqty jumyspen qamtamasyz etilýi aıtyldy. Mine, bunyń bárin Memleket basshysynyń durys sheshim qabyldaǵandyǵynyń jemisi dep bilemin», - dedi professor.

Serik Negimov Joldaýdyń taǵy bir ereksheligi - jumyssyzdyq deńgeıin azaıtý, shaǵyn jáne orta bıznestiń úlesin arttyrý, óndiristiń sabaqtas salalaryn ulǵaıtý, ındýstrııalandyrýdyń óńirlik baǵdarlamasyn jasap, júzege asyrý joldary aıqyn kórsetilgendiginde ekendigin aıtady.

«Joldaýdyń basty erekshelikteri - eń aldymen údemeli ındýstrııalyq-ınnovatsııalyq damý baǵdarlamasy negizinde eldi ındýstrıalandyrý mindetterin alǵa qoıǵandyqpen, agroónerkásip keshenin damytýmen, azyq-túlik qaýipsizdigin qamtamasyz etýmen, makroekonomıkalyq saıasattyń júzege asyrylýynyń negizdiligimen baılanysty. Sonymen qatar Joldaý salyq júıesin Qazaqstannyń jańa satydaǵy damý mindetterimen sáıkestendirý qajettiligin alǵa qoıǵandyqpen, ınflıatsııaǵa qarsy kúresti kúsheıtýdiń ózekti ekendigimen, áleýmettik saladan basqa, ózge barlyq baǵyttar men kadrlardy qysqartý arqyly memlekettik shyǵyndardy azaıtýdyń ózekti ekendigimen erekshelenedi. Joldaýda Qazaqstannyń qazirgi zamanǵy saıası júıesin jetildirýge, qoǵamdyq turaqtylyq pen ultaralyq kelisimdi qamtamasyz etýge, jalpy Qazaqstandyq patrıotızmdi qalyptastyrýdyń ózekti máselelerine de erekshe mán berilgen. Alǵa qoıylǵan osyndaı keleli maqsattarǵa jetý úshin elimizde qylmys pen sybaılas jemqorlyqqa qarsy kúres júrgizýge, quqyq qorǵaý organdarynyń azamattardyń quqyqtary men bostandyqtaryn qorǵaýdaǵy qyzmetin jetildirýge basa mán berildi, bızneske zańsyz aralasýdy boldyrmaýdy qamtamasyz etý mindetteri júkteldi. Joldaýda qabyldanatyn zańdardyń sapasyn arttyrýǵa aıryqsha mán berildi. Zańdylyqtyń qatań saqtalýy máselelerimen birge, elimizge óte qajetti «Ónerkásip saıasaty« týraly zańnyń kerektigi atalyp ótti», - dedi fılologııa ǵylymdarynyń doktory.

Ol Joldaýda memlekettik baǵdarlamalardyń basty maqsaty - halyqtyń ál-aýqatyn nyǵaıtý ekendigine erekshe nazar aýdarylǵandyǵyn aıtady.

«Sondaı-aq bilim berý boıynsha da óte qýanarlyq jáıttar bar. Basqasyn aıtpaǵanda, muǵalimderdiń jalaqysy 2021 jyldyń qańtarynan 25 paıyzǵa ósetin boldy jáne «Jas ǵalymdar» jobasyna 1 000 grant bólinetindigi aıtyldy. Bul ǵylymdy órkendetýdiń dúnıejúzilik standartyna sáıkes keledi. Qysqasy, Qazaqstan Respýblıkasy Prezıdentiniń bıylǵy Joldaýy elimiz boıynsha óreli mindetterdi alǵa qoıyp, jurtshylyqty jigerlendirip otyr. Bul mindetterdiń oryndalatynyna senimim mol», - dedi Serik Negımov.

Foto: e-history.kz
Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT