+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Serik Qırabaev: El gazetin aýdarma-gazet jasamaı alyp qalǵan Jumabek Táshenov edi

2019 jylǵy 15 qarasha 12:21
Bólisińiz:
Serik Qırabaev: El gazetin aýdarma-gazet jasamaı alyp qalǵan Jumabek Táshenov edi

NUR-SULTAN. QazAqparat – Burynǵy «Sotsıalıstik Qazaqstan» — búgingi «Egemen Qazaqstan» gazetin ótken ǵasyrda aýdarma-gazet jasamaı alyp qalǵan Jumabek Táshenov edi. «Egemen Qazaqstan» gazetiniń 100 jyldyǵyna oraı elordada ótken halyqaralyq ǵylymı-praktıkalyq konferentsııada ǵalym, professor, Qazaqstannyń memlekettik syılyǵynyń ıegeri Serik Qırabaev osyndaı esteligimen bólisti, dep habarlaıdy QazAqparat tilshisi.

Uqsas jańalyqtar
Elbasy «Egemen Qazaqstan» gazetin 100 jyldyq mereıtoıymen quttyqtady Qoıshyǵara Salǵarauly: «Egemen Qazaqstan» – qazaqtyń 100 jyldyq shejiresi Darhan Qydyráli: Egemen-niń 100 jyldyǵyn Alash qaıratkerleriniń mereıtoılarymen ushtastyryp otyrmyz

«Biz gazettiń eń bir qıyn kezeńderinde – aıtys pen tartystyń, urys pen dıktatýranyń kúshti kezinde qyzmetke bardyq. Men komsomoldyń bir jýrnalynyń redaktory edim. Qaraqulov degen Ortalyq partııa komıtetiniń bólim basshysy shaqyryp aldy da, «Siz «Sotsıalıstik Qazaqstanǵa» (qazirgi «Egemen Qazaqstan») qyzmetke barasyz. Redkollegııanyń múshesi bolyp, ádebıet jáne óner bóliminiń bastyǵy bolasyz» dedi. Sol barǵan jerde birshama aıtys-tartys bolyp ketti. Dıktatýranyń myqty kezi. Ol kezde Ortalyq partııa komıteti kishkene asyǵystaý jasady – gazetti aýdarma jasaý kerek degen áńgime shyqty. Sol bastamany «gazet eldiki» dep bógep tastaǵan Jumabek Táshenov edi. Sol Táshenovterdiń arqasynda gazetti aýdarma jasamaı, alyp qaldyq. Sondaı bir qıyn kezeńdi basymyzdan ótkerdik», - dedi Serik Qırabaev.

Professor óz sózinde el gazetinen kóp jaqsylyq kórgenin esine aldy.

««Egemen Qazaqstan» — qazir taza ulttyq gazet! Gazettiń úlken toıymen barlyqtaryńyzdy quttyqtaımyn», - dedi Serik Qırabaev.

«Egemen Qazaqstan» gazetiniń 100 jyldyǵyna oraı L.Gýmılev atyndaǵy Eýrazııa ulttyq ýnıversıtetinde «Jahandyq medıasaladaǵy basylymnyń róli men damý tendentsııasy» atty halyqaralyq ǵylymı-praktıkalyq konferentsııa ótip jatyr.

Aıta ketsek, elordada kórnekti memlekettik jáne qoǵam qaıratkeri Jumabek Táshenovke eskertkish ornatylatyny buǵan deıin habarlanǵan bolatyn.

Bizdiń kanalymyzǵa jazylyńyz:

Basty sózder: Mádenıet, BAQ, Qazaqstan tarıhy,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT