+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Serik Dúısebaev: Prezıdent mańyzdy baǵyttarǵa jastardy tartqysy keletinin ańǵartty

2019 jylǵy 13 maýsym 10:16
Bólisińiz:
Serik Dúısebaev: Prezıdent mańyzdy baǵyttarǵa jastardy tartqysy keletinin ańǵartty

QYZYLORDA. QazAqparat - «Qazaqstannyń aldaǵy maqsat-mindetteri qandaı? Keleshekte qandaı basym baǵyttarǵa mańyz beriledi? Biz Memleket basshysy qyzmetine kirisken Qasym-Jomart Toqaevtyń ulyqtaý rásiminde osyndaı mańyzdy saýaldarǵa jaýap aldyq», - dedi Qyzylorda oblystyq ardagerler keńesiniń tóraǵasy Serik Dúısebaev QazAqparat tilshisine atalmysh sharadan alǵan áserimen bólisip.

«Memleket basshysy el aldynda Qazaqstannyń bolashaq baǵdaryndaǵy mindetterin belgiledi. Olardyń qaı baǵytta júzege asyrylatynyn aıqyndap berdi. Alǵashqy baǵyt retinde halyqtyń tabysyn arttyrýǵa nazar aýdarylatynyn jetkizdi. Qaı kezde de halyqtyń áleýmettik ahýalyn jaqsartý máselesi kún tártibinen túspeıtini belgili. Ol azamattardyń óz elinde alańsyz qyzmet jasaýyna jol ashady. Sondyqtan ekonomıkalyq ósim máselesine jol ashý - negizgi mindettiń biri. Osyndaı tolaıym tabystarǵa jol ashý úshin bizde sybaılas jemqorlyqqa qarsy kúresti kúsheıtýimiz tıis. Memleket basshysy óz sózinde sol maqsattarǵa jan-jaqty toqtalyp ótti», - dedi S.Dúısebaev.

Serik Dúısebaev elimizdiń basty baǵdary retinde belgilengen on baǵyttyń keleshekte óz jemisin beretinine zor senim artyp otyrǵanyn tilge tıek etti. Solardyń biri retinde jastarǵa úlken úmit artylyp otyrǵanyn aıtty.

«Árbir memlekettiń bolashaǵy - jastarǵa baılanysty ekeni belgili. Olar táýelsiz Qazaqstannyń damýyna aldaǵy ýaqytta úlken úles qosatyn bolady. Jastar arasynda kásipkerlikti damytý baǵytynda «Jas kásipker» baǵdarlamasy qolǵa alynatyn boldy. Sondaı-aq, olardyń memlekettik qyzmette úlesin arttyrý maqsatynda «Prezıdenttik kadrlyq rezerv» jasalmaq. Qazirgi býyn ókilderi álemde oryn alyp jatqan búgingi zaman talaby boıynsha is-josparlardy laıyqty deńgeıde júzege asyrýǵa óz úlesterin qosýǵa múmkindik alady. Qaı kezde de jastar qoǵamnyń qozǵaýshy kúshi sanalady», - dedi S. Dúısebaev.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT