Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.17 EUR 429.11
RUB 5.88 CNY 56.48
Jańalyqtar

Sergeı Lavrov Astana protsesi týraly: Bul jaı ásheıin qonaqjaılylyq emes

2018 jylǵy 21 naýryz 18:47 656
Bólisińiz:
Sergeı Lavrov Astana protsesi týraly: Bul jaı ásheıin qonaqjaılylyq emes

ASTANA. QazAqparat - Reseı Federatsııasynyń syrtqy ister mınıstri Sergeı Lavrov Sırııa máselesin retteýge arnalǵan Astanadaǵy kezdesýlerge óz baǵasyn berdi, dep xabarlaıdy QazAqparat tilshisi.

«Biz Qazaqstannyń rólin joǵary baǵalaımyz. Ony málimdeme jasaǵan saıyn aıtyp otyramyz. Endi, bireýler ony jaı, ásheıin qonaqjaılylyq dep baǵalaýy múmkin. Joq, áste olaı emes. Qonaqjaılylyq - bul eń aldymen jumys úshin yńǵaıly jaǵdaı jasaý. Sonyń ózi usaq-tıekke alańdamaı, naqty nátıjege kúsh salýǵa sep bolady. Ekinshiden, Qazaqstan turmystyq jaǵdaıdy ǵana emes, saıası atmosferany da jasap berip otyr», - dedi S.Lavrov QR Prezıdenti teleradıokeshenine bergen suxbatynda.

Onyń aıtýynsha, Qazaqstan xalyqaralyq masshtabta bolsyn, aımaqtyq dárejede bolsyn, únemi kompromıss izdeýge tyrysady. Osy ustanym BUU Qaýipsizdik keńesinde barynsha baıqalady.

«Sol sebepti Qazaqstannyń saıası ımpýlsi - bul óte úlken úles. Prezıdent Nursultan Ábishuly Nazarbaev Astana protsesine qatysýshy memleketterge birneshe ret úndeý jasap, sol saıası serpinge ózi bastamashy boldy. Meniń áriptesim ári dosym - Qazaqstannyń Syrtqy ister mınıstri Qaırat Ábdiraxmanov ta osy protsesti únemi júrgizip otyrady. Úshinshi bir mańyzdy máseleni atap óteıin, bunyń barlyǵy dıplomatııalyq jaǵynan sheber atqarylady. Osy protsestiń qozǵaýshy kúshi - úsh kepilger memleket ekenin bári jaqsy túsinedi. Bizdiń úshtigimizdiń jumysy úshin barlyq jaǵdaı jasalady. Sol úshin qazaqstandyq dostarymyzǵa óz rızashylyǵymyzdy bildiremiz», - dep atap kórsetti S.Lavrov.

 

Bizdiń kanalymyzǵa jazylyńyz:

Basty sózder: Astana protsesi, Reseı, Sırııa,
Bólisińiz:

Avtor:

Arman Asqarov

Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
MURAǴAT