+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Senim jáshikteri: SQO stýdentteriniń shaǵymdary qandaı

2019 jylǵy 13 jeltoqsan 14:52
Bólisińiz:
Senim jáshikteri: SQO stýdentteriniń shaǵymdary qandaı

PETROPAVL. QazAqparat – Soltústik Qazaqstan memlekettik ýnıversıtetinde sybaılas jemqorlyqtyń aldyn alý maqsatynda «senim jáshikteri» ornatyldy, dep habarlaıdy QazAqparat tilshisi.

SQO Sybaılas jemqorlyqqa qarsy qyzmet mamandarynyń málimetinshe, «senim jáshigi» stýdentterdiń aryzdaryn jyldam qarap, áreket etýge múmkindik beredi. Sybaılas jemqorlyqqa qarsy qural ýnıversıtettiń oqý korpýstaryna jáne jataqhanalarǵa ornatyldy.

Bul «Nur Otan» partııasy janyndaǵy «Jas Otan» Jastar qanaty SQOF, «Qyzyljar – adaldyq alańy» jáne ýnıversıtettiń «Sanaly urpaq» jobalyq keńseleriniń ortaq is-sharasy.

«Qyzyljar – adaldyq alańy» jobalyq keńsesinen habarlaǵandaı, osy kúnge deıin «senim jáshigine» 9 ótinish túsken. Stýdentter negizinen jataqhanalarda orynnyń jetispeýshiligin aıtyp, jastar úshin qoǵamdyq kólikte jolaqyny tómendetýdi jáne bilim granttaryn arttyrýdy suraǵan.

«Jas Otan» jastar qanaty QR Sybaılas jemqorlyqqa qarsy agenttikpen, «Adaldyk alany» jobalyq keńsesimen birge elimizdiń memlekettik jáne ulttyq joǵary oqý oryndarynda sybaılas jemqorlyq derekterin anyqtaý maqsatynda stýdentter arasynda saýalnama júrgizdi. Sondaı-aq bul saýalnama jataqhanalarǵa ornalasý qoljetimdiligi men ondaǵy turmystyq jaǵdaıdyń deńgeıin anyqtaýǵa múmkindik bermek», - deıdi jobalyq keńseniń jetekshisi Baqytjan Tursynov.

Joǵary oqý oryndary ókilderiniń sózine qaraǵanda, stýdentterdiń anonımdi aryzdary jiti tekserilip, nátıjesinde tıisti is-shara qoldanylady. Máselen qazirgi ýaqytta jergilikti bılikpen stýdentterge qoǵamdyq kólikterde júrýge jeńildik jasaý máselesi qaralyp jatyr.

Kóptiń kókeıinde júrgen stıpendııanyń mólsherin arttyrý máselesi kelesi jyly sheshiledi. Prezıdent jastar jylyn qorytyndylaǵan jıynda jaǵymdy jańalyqty jetkizdi. Ýnıversıtet stýdentteriniń, magıstranttardyń, doktoranttardyń jáne kolledj oqýshylarynyń stıpendııasy 25% artady. Aqyly bólimde oqıtyndardy da kótermeleý maqsatynda arnaıy júıe jasalmaq.

«Senim jáshikteri» stýdentter arasynda qoldaý tapty. Endi olar óz máselelerin qoryqpastan tıisti vedomstvoǵa jetkize alady. Al SQO Sybaılas jemqorlyqqa qarsy qyzmetiniń basshylyǵy azamattardy kúndelikti qabyldaıdy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT