Jańalyqtar  >

Senattyń kelesi otyrysynda qaralatyn zań bekitildi

2022 jylǵy 28 qarasha, 13:13
Senattyń kelesi otyrysynda qaralatyn zań bekitildi

ASTANA. QazAqparat - Senat spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 2022 jylǵy 1 jeltoqsanda ótetin Senat otyrysynyń kún tártibin belgiledi, dep habarlaıdy QazAqparat.

Soǵan sáıkes aldaǵy palata otyrysynda senatorlar «Geodezııa, kartografııa jáne keńistiktik derekter týraly» jáne «Qazaqstan Respýblıkasynyń keıbir zańnamalyq aktilerine geodezııa, kartografııa jáne keńistiktik derekter máseleleri boıynsha ózgerister men tolyqtyrýlar engizý týraly» zań jobalaryn qaraıdy.

«Geodezııa, kartografııa jáne keńistiktik derekter týraly» týraly zań jobasy osy saladaǵy zańnamany jetildirýge, memlekettik saıasatty úılestirýdi kúsheıtýge, sondaı-aq geodezııalyq jáne kartografııalyq qyzmetti retteýdiń jalpyǵa birdeı tanylǵan halyqaralyq qaǵıdattary men tásilderin engizýge baǵyttalǵan.

«Qazaqstan Respýblıkasynyń keıbir zańnamalyq aktilerine geodezııa, kartografııa jáne keńistiktik derekter máseleleri boıynsha ózgerister men tolyqtyrýlar engizý týraly» zań jobasynyń negizgi mindetteri - Qazaqstandy joǵary dáldiktegi geodezııalyq koordınattar júıesimen qamtamasyz etý jáne sonyń negizinde biryńǵaı tsıfrlyq kartografııalyq negiz qurý.

Sonymen qatar Bıýro otyrysynda Májilisten kelip túsken zań jobalary Senattyń turaqty komıtetterine bólinip berildi.


Uqsas jańalyqtar
Tegı:
Senat   Zań  
Seriktester jańalyqtary

Jańalyqtar