+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Senatta Úkimettiń 2020 jylǵy bıýdjettiń atqarylýy týraly esebi qaralyp jatyr

2021 jylǵy 17 maýsym 10:34
Bólisińiz:
Senatta Úkimettiń 2020 jylǵy bıýdjettiń atqarylýy týraly esebi qaralyp jatyr

NUR-SULTAN. QazAqparat – Parlament Senatynyń jalpy otyrysynda QR Úkimetiniń jáne Respýblıkalyq bıýdjettiń atqarylýyn baqylaý jónindegi esep komıtetiniń 2020 jylǵy respýblıkalyq bıýdjettiń atqarylýy týraly esepteri qaralyp jatyr, dep habarlaıdy QazAqparat tilshisi.

Uqsas jańalyqtar
«Bıýdjetke qatysý»: Almatyda 267 joba júzege asyrylyp jatyr Qańtar-tamyz aralyǵynda bıýdjet kirisi 7,1 trln teńgege jetti - Erulan Jamaýbaev Mamın: Bilim mekemelerinde sanıtarııa normalarynyń saqtalýyn erekshe baqylaýda ustaý kerek

«2020 jyly respýblıkalyq bıýdjettiń atqarylýy jahandyq daǵdarysqa baılanysty iskerlik belsendiliktiń aıtarlyqtaı tómendeýi jaǵdaıynda júzege asyryldy. Jalpy ishki ónim naqty 2,6 paıyzǵa tómendedi. Bul negizinen karantındik sharalardyń engizilýinen qyzmetter kórsetýdiń 5,4 paıyzǵa tómendeýine baılanysty boldy. Degenmen ekonomıkanyń naqty sektory 2 paıyzǵa óskenin kórsetti», - dedi Qarjy mınıstri Erulan Jamaýbaev.

Onyń aıtýynsha,negizgi kapıtalǵa salynatyn ınvestıtsııalar kólemi 3,4 paıyzǵa tómendedi.

Bıýdjettiń basym baǵyttary tótenshe jaǵdaı kezinde azamattardy jáne naqty sektordy qoldaýǵa arnalǵan shyǵystar boldy. Bul - áleýmettik tólemderdi ındeksteý, shaǵyn jáne orta bıznes sýbektilerine salyq aýyrtpalyǵyn tómendetý, «Jumyspen qamtý jol kartasy», «Bıznes jol kartasy», «Eńbek» jáne basqa da baǵdarlamalar.

«Ekonomıkalyq ósimdi qalpyna keltirý boıynsha Keshendi jospar qabyldandy. Zardap shekken salalardan shamamen 700 myń kásipker salyqtyq yntalandyrý jáne jeńildik sharalarymen qamtyldy.

Shaǵyn jáne orta bıznestiń 40 myńǵa jýyq jobalary arzandatylǵan mólsherlememen qarjylandyryldy. Zardap shekken salalarda qaryz alýshylardyń 80 paıyzy kredıtter boıynsha tólemderin keıinge qaldyrý múmkindigin aldy. Osy sharalar jumyspen qamtý men iskerlik belsendilikti saqtaýǵa yqpal etti. Jumyssyzdyq 4,9% deńgeıinde saqtalyp qaldy», - dedi mınıstr.

Onyń sózine qaraǵanda, bıýdjet túsimderi 100,3 paıyzǵa oryndalyp, 12 trln

49 mlrd teńgeni qurady. Shyǵystar 98,3 paıyzǵa ıgerildi jáne 14 trln 234 mlrd teńgeni qurady. Áleýmettik shyǵystar 2019 jylmen salystyrǵanda 1,4 trln teńgege ulǵaıyp, 6,6 trln teńgeni qurady. Bul respýblıkalyq bıýdjettiń jalpy kóleminiń

47 paıyzy. Bıýdjet tapshylyǵy 2 trln 185 mlrd teńge nemese jalpy ishki ónimniń 3,1 paıyzy boldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT