+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Senatta memqyzmetshilerdi «Dıplommen aýylǵa» jiberetin zań jobasy qaraldy

2020 jylǵy 20 mamyr 17:13
Bólisińiz:
Senatta memqyzmetshilerdi «Dıplommen aýylǵa» jiberetin zań jobasy qaraldy

NUR-SULTAN. QazAqparat – Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Dıplommen – aýylǵa!» jobasyn memlekettik qyzmetshilerge qoldaný, «A» korpýsynyń kadr rezervin jasaqtaýdan bas tartý jáne memlekettik qyzmet salasyndaǵy ózge de ózgeristerdi qamtyǵan zań jobasy qaraldy, dep habarlaıdy QazAqparat.

Palatanyń baspasóz qyzmetinen málim etkendeı, senatorlar «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyn qarady.

Qujattyń negizgi maqsaty memlekettik qyzmet salasyndaǵy zańnamany odan ári jetildirý bolyp tabylady. Onda birqatar zańnamalyq aktilerge ózgerister men tolyqtyrýlar engizý kózdelgen.

Qosymsha baıandama jasaǵan senator Nurlan Beknazarov zań jobasy QR Tuńǵysh Prezıdenti-Elbasynyń jáne Memleket basshysynyń tapsyrmalaryna sáıkes ázirlengenin atap ótti. Usynylyp otyrǵan zań jobasy memlekettik qyzmettiń qazirgi zamanǵy qazaqstandyq modeli merıtokratııa qaǵıdattaryna negizdelgeni aıtyldy.

Zań jobasyna engiziletin ózgerister:

- «Dıplommen – aýylǵa!» jobasyn memlekettik qyzmetshilerge qoldaný;

- «A» korpýsynyń kadr rezervin jasaqtaýdan bas tartý;

- barlyq memlekettik organdardyń memlekettik qyzmetshileri arasyndaǵy konkýrstyq rásimderdi 3 kezeńnen 2 kezeńdik irikteýge ońtaılandyrý;

- memlekettik qyzmetshilerdiń biliktiligin arttyrýdy júzege asyratyn bilim berý uıymdaryna qoıylatyn talaptardy aıqyndaý;

- sybaılas jemqorlyq quqyq buzýshylyq nemese memlekettik qyzmetke kir keltiretin tártiptik teris qylyq jasaǵany úshin jaýapkershiligi qaralatyn adamdardy basqa memlekettik laýazymǵa aýysýyna baılanysty jumystan shyǵarýǵa tyıym salýdy engizý;

- Memleket basshysynyń sheshimi boıynsha jekelegen saıası laýazymdarǵa biliktilik talaptaryn belgileý;

Zań jobasy qabyldanǵanda memlekettik qyzmet salasyndaǵy zańnama odan ári jetildiriletin bolady.

Qujattar palatanyń qaraýyna berildi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT