+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Senatorlarmen kezdesýde kásipodaqtardyń rólin nyǵaıtý máseleleri talqylandy - Qaraǵandy

2020 jylǵy 14 qańtar 14:13
Bólisińiz:
Senatorlarmen kezdesýde kásipodaqtardyń rólin nyǵaıtý máseleleri talqylandy - Qaraǵandy

QARAǴANDY. QazAqparat - Senat tóraǵasynyń orynbasary Asqar Shákirov, sondaı-aq senatorlar Rysqalı Ábdikerov pen Sergeı Ershov depýtattardyń aımaqtarǵa sapary aıasynda Qaraǵandy oblysynda boldy, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Darıǵa Nazarbaeva DDU ókilderimen densaýlyq saqtaý máselelerin talqylady Memtapsyrysqa bólingen qarajat ekonomıkamyzǵa jumys isteýi tıis – Darıǵa Nazarbaeva Senat bakterıologııalyq quraldarǵa qatysty Zańdy qabyldady

Parlament joǵary palatasynyń depýtattary «ArselorMıttalTemirtaý» AQ-nyń negizgi obektilerinde, atap aıtqanda, № 3 domna peshinde jáne № 1 jalpaq temir tsehynda bolǵan kezde kásiporyn qyzmetimen jáne jumysshylardyń eńbek jaǵdaıymen tanysty.

Kásiporyn basshylyǵymen jáne kásipodaq uıymynyń ókilderimen mazmundy áńgime óristedi. Júzdesý kezinde eńbek qaýipsizdigin qamtamasyz etý, óndiris qýattylyǵyn jańǵyrtý, eńbekshilerdiń múddelerin ilgeriletýdegi kásibı odaqtardyń rólin nyǵaıtý máseleleri talqylandy. Senat tóraǵasynyń orynbasary A.Shákirov: «Qazirgi ýaqytta joǵaryda kórsetilgen mindetterdi oryndaýda, onyń ishinde jumyskerlerdi quqyqtyq qorǵaýdy qamtamasyz etýdegi, jumys berýshilermen syndarly dıalog júrgizýdegi kásipodaq uıymdarynyń róli jetkiliksiz deńgeıde ekeni baıqalyp otyr. Kásiporyndarda jıi oryn alǵan apattar pen jaraqat alý jaǵdaılary, sondaı-aq qural-jabdyqtardyń talapqa saı bolmaýy saldarynan óndiris kóleminiń tómendeýi alańdaýshylyq týǵyzyp otyrǵany belgili» dep atap kórsetti.

Senat depýtattary halyqtyń ál-aýqaty qorshaǵan ortaǵa tyǵyz baılanysty ekenine jáne zııandy shyǵaryndylardy azaıtý jónindegi qazirgi zamanǵy tehnologııalardy engizý jónindegi Prezıdent Q.Toqaevtyń Qazaqstan halqyna Joldaýynda atap kórsetilgen sharalardy qabyldaý qajettigine kásiporyn basshylyǵynyń nazaryn aýdardy.

Tutastaı alǵanda, kásiporyndy ornyqty damý traektorııasyna shyǵarý, óndiris ólshemderi men básekege qabilettiligin jaqsartý, Temirtaý qalasyndaǵy ekologııalyq ahýaldy qalypqa keltirý jónindegi tıisti sharalardy qabyldaý máseleleri senatorlar saparynyń nátıjesi boıynsha «ArselorMıttalTemirtaý» AQ jumysynyń negizgi basymdyǵy retinde aıqyndaldy.

Depýtattar sondaı-aq Qaraǵandy medıtsınalyq ýnıversıtetiniń klınıkalyq bazasy – № 1 kópsalaly aýrýhanasynda bolyp, statsıonar jaǵdaıynda medıtsınalyq qyzmetter kórsetýdiń mýltıdıstsıplınarlyq júıesimen tanysty, tutastaı alǵanda óńirdegi klınıkalyq mamandyq kadrlarymen qamtamasyz etý deńgeıine, densaýlyq saqtaýdaǵy kópsalaly mekemelerdiń tehnıkalyq jabdyqtalýyna nazar aýdardy.

«Qaraǵandy medıtsına ýnıversıteti» UAQ Basqarmasynyń tóraǵasy R.Dosmaǵambetova joǵarǵy oqý ornynda bilim berýdińi jańa baǵdarlamalardy, sondaı-aq farmatsevtıka salasy boıynsha bilim berý men medıtsınalyq menedjment jónindegi jobalardy senatorlarǵa tanystyrdy.

Aýrýhana qyzmetkerlerimen jáne ýnıversıtettiń professor-oqytýshylar quramymen kezdesý barysynda memleket qabyldap jatqan mamandandyrylǵan medıtsınalyq kómekti alýǵa qoljetimdilik jónindegi sharalar, atap aıtqanda, Qazaqstan Respýblıkasynyń 2020-2025 jyldarǵa arnalǵan densaýlyq saqtaýdy damytýdyń memlekettik baǵdarlamasy aıasyndaǵy sharalar talqylandy. Memlekettik jáne strategııalyq baǵdarlamalar boıynsha kórsetiletin dárigerlik qyzmetterdi usynýdyń jańa sıpatyna kóshý, densaýlyq saqtaý uıymynyń jumysyn ońtaılandyrý, sondaı-aq medıtsınalyq bilim berýdi jetildirý júzege asady.

Kezdesý barysynda 2020 jylǵy 1 qańtardan bastap kúshine engen mindetti áleýmettik medıtsınalyq saqtandyrý jónindegi zańnamadaǵy jańalyqtardy talqylaýǵa erekshe mán berildi. Ótken jylǵy qyrkúıekten bastap Qaraǵandy oblysynyń medıtsınalyq uıymdarynda mindetti áleýmettik medıtsınalyq saqtandyrý júıesine pılottyq baıqaý jasaldy. Óńirde mindetti áleýmettik medıtsınalyq saqtandyrýdy engizýdiń nátıjeleri depýtattarǵa kórsetildi.

Jumys sapary elimizdiń Іshki ister mınıstrliginiń B.Beısenov atyndaǵy Qaraǵandy akademııasynda odan ári jalǵasty. Oqý ornynyń basshylyǵymen jáne professor-oqytýshylar quramymen kezdesý barysynda quqyq qorǵaý júıesine reforma júrgizý, oǵan sáıkes «Іshki ister organdaryn jańǵyrtý boıynsha jol kartasyn» qabyldaý jóninde pikir almasyldy.

Kezdesýge qatysýshylar polıtsııany memlekettiń qarýly quralynan azamattardyń qaýipsizdigin qamtamasyz etýge arnalǵan, qyzmet kórsetetin organǵa aınaldyrý jónindegi Memleket basshysy alǵa qoıǵan mańyzdy mindettiń aıasynda basymdyqqa ıe máselelerdi talqylady.

Akademııa basshysy A.Dármenov oqý baǵdarlamalary men arnaıy kýrstarǵa engiziletin tájirıbege negizdelgen jańalyqtar týraly baıandady.

A.Shákirov: «ІІM Qaraǵandy akademııasy kásibı kadrlar daıarlaýdaǵy mańyzdy mekemelik júıeniń biri bolyp tabylady. Joǵarǵy oqý ornynyń qalyptasqan bedeli men mártebesin qoldap otyrý arqyly qyzmetin jetildirý, onyń ishinde terrorızm men ekstremızmmen kúres salasyndaǵy álemdik syn-qaterlerdi, sondaı-aq azamattardyń senimin týǵyzatyn polıtsııa qyzmetkeriniń úlgisin qalyptastyrýda qazirgi zamanǵy úrdisterdi eskerý asa mańyzdy», - dep atap ótti.

Depýtattar óz sózderinde qylmystyq, qylmystyq-protsestik zańnamany jetildirý máseleleri boıynsha mańyzdy zańnamalyq ózgerister men tolyqtyrýlar engizý; jeke adam quqyqtaryn qorǵaýdy kúsheıtý; qylmystyq protsess pen jazalardy oryndaý júıesin odan ári izgilendirý jáne jazalaýdy azaıtý týraly aıtty.

Al Senat depýtattary Muratbaı Joldasbaev pen Abdaly Nuralıevtiń Jambyl oblysyndaǵy jumys sapary Baızaq aýdanynda jalǵasty.

Senatorlar turǵyndarmen kezdesýlerde zańnamadaǵy ózgerister týraly jáne «Pedagog mártebesi týraly» jańa zań men Qazaqstan Respýblıkasynyń Bilim jáne ǵylym, densaýlyq saqtaý salasyn damytýdyń 2020-25 jyldarǵa arnalǵan memlekettik baǵdarlamasynyń negizgi erejelerin túsindirdi.

Abdaly Nuralıev Parlamenttiń joǵary palatasynyń zań shyǵarý qyzmeti týraly habardar etip, zańnamadaǵy esirtki saýdasyna, mas kúıinde kólik júrgizýge, kámeletke tolmaǵan balalarǵa zorlyq-zombylyq kórsetý men mal urlyǵyna qatysty ózgeristerge nazar aýdardy.

Parlamentshiler sondaı-aq jergilikti jastardyń resýrstyq ortalyǵynyń jumysymen tanysty. Depýtattar aýdandyq jumyspen qamtý ortalyǵynda kóp balaly analarǵa jańa júıe boıynsha ataýly áleýmettik kómek tóleý erejeleri týraly aıtyp, turǵyndar arasynda osyndaı túsindirý sharalaryn ótkizýdiń mańyzdy ekenin atap ótti. Jınalǵandar ózderiniń kókeıkesti suraqtaryna jan-jaqty jaýap aldy.

Parlament joǵary palatasy depýtattarynyń jumys sapary Sarykemer aýylynyń sporttyq-saýyqtyrý kesheninde aıaqtaldy. Muratbaı Joldasbaev kezdesý barysynda jumys saparynyń maqsaty týraly aıtyp, oblystaǵy ózekti máseleler boıynsha júzege asqan depýtattyq saýaldarǵa toqtaldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT