+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Senatorlar zań biliminiń sapasy máselelerin talqylady

2021 jylǵy 24 qyrkúıek 20:47
Bólisińiz:
Senatorlar zań biliminiń sapasy máselelerin talqylady

NUR-SULTAN. QazAqparat - Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń depýtattary elimizdegi zań biliminiń sapasyn zertteý maqsatynda Qaraǵandy qalasynyń birqatar oqý oryndarynda boldy, dep habarlaıdy QazAqparat Senattyń baspasóz qyzmetine silteme jasap.

Uqsas jańalyqtar
Memlekettik saıasatta ǵylymı jáne sarapshylyq qoldaýǵa qajettilik artady – Senat spıkeri Áleýmettanýshylar Qazaqstan damýyna mańyzdy úles qosty - Áshimbaev Senat tóraǵasy: Qazaqstandyqtardyń 86 paıyzy qazaq tilin biledi

Qazaqstan Respýblıkasy Bilim jáne ǵylym mınıstrliginiń aqparaty boıynsha, búginde elimizde 128 joǵary oqý orny jumys isteıdi, olardyń 67-si zańgerler daıarlaıdy. Sońǵy 5 jylda zańgerlerdi daıarlaýǵa 1480 grant bólindi jáne 124 myńnan astam zańger bitirip shyqty.

Senattyń salalyq komıtetiniń tóraǵasy Vladımır Volkov óz sózinde Memleket basshysy Qasym-Jomart Toqaevtyń Qazaqstan halqyna Joldaýynda bilim berý sapasyn arttyrýǵa erekshe nazar aýdarylǵanyn atap ótti.

«Reformalardy, onyń ishinde quqyq qorǵaý jáne sot júıesindegi jańarýlardy sapaly júzege asyrý úshin qoǵam men memleketke qazirgi zamanǵy eńbek naryǵynyń talaptaryna sáıkes keletin, patrıottyq rýhtaǵy jáne adamnyń quqyqtary men bostandyqtaryn, qoǵam men memlekettiń múddesin qorǵaýdy baǵdar etken, zańtaný salasynda kásibı quzyretke ıe jańa formatsııadaǵy zań kadrlary qajet», - dedi senator.

Otyrysqa qatysýshylar, olardyń ishinde Qaraǵandy qalasynyń joǵary oqý oryndarynyń ókilderi saladan tys joǵary oqý oryndarynda zań fakýltetterin ashý jáne jappaı dıplomdy alý zań kadrlarynyń kásiptik biliminiń sapalyq deńgeıin tómendetetinin atap ótti. Sonymen qatar professorlyq-oqytýshylyq quramnyń tapshylyǵy da baıqalyp otyr.

Vladımır Volkov sózin qorytyndylaı kelip, bilim berý júıesi árqashan elimiz Prezıdentiniń erekshe baqylaýynda ekenin atap ótti.

«Quqyqtyq bilim berýde sapa taqyryby asa mańyzdy ári zerdeleýdi qajet etetindigin eskere otyryp, Komıtet barlyq múddeli taraptardy shaqyra otyryp Parlament Senatynyń qabyrǵasynda komıtet otyrysyn ótkizýdi josparlap otyr. Onyń nátıjesi 2022 jyldyń 1 toqsanynda «Qazaqstandaǵy quqyqtyq reforma: zań biliminiń sapasyn qamtamasyz etý saýaly» taqyryby boıynsha Úkimet saǵatyn ótkizý bolady, onda eldegi zań biliminiń sapasyn arttyrý týraly Úkimet atyna usynymdar ázirlenetin bolady» - dedi Vladımır Volkov.

Senatorlar sonymen qatar Nur-Sultan qalasynyń joǵary oqý oryndaryndaǵy, atap aıtqanda M.S. Nárikbaev atyndaǵy KazGıÝÝ men L.N.Gýmılev atyndaǵy EUÝ-degi zańgerlik bilim berý deńgeıin tekserdi.


Bizdiń kanalymyzǵa jazylyńyz:

#Parlament   #Senat   #Bilim   #Zań  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT