+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Senatorlar «World clean up day» ekologııalyq qozǵalysyna qoldaý bildirdi

2020 jylǵy 19 qyrkúıek 10:35
Bólisińiz:
Senatorlar «World clean up day» ekologııalyq qozǵalysyna qoldaý bildirdi

NUR-SULTAN. QazAqparat - Senat tóraǵasy Máýlen Áshimbaev «World clean up day» – «Búkilálemdik tazalyq kúni» aktsııasyna qatysty.

Uqsas jańalyqtar
Atyraý munaı óńdeý zaýytyna jospardan tys tekserý júrgiziledi Qazaqstanda aýany lastaýshy negizgi faktorlar - kúkirtsýtek, shań jáne qara kúıe Pavlodar oblysynda aqbókender sany 8 myńnan asty

Bıyl atalǵan shara búkil elimiz boıynsha ótkizilip jatyr. Shara barysynda eko-belsendiler aǵash otyrǵyzyp, qoǵamdyq oryndarda, saıabaqtarda jáne basqa da jerlerde tazalyq jumystaryn júrgizýde, dep habarlaıdy QazAqparat tilshisi.

Nur-Sultan qalasynda qatysýshylar elordalyq trıatlon parkinde kógaldandyrý jumystaryn júrgizip, kóshelerdegi qoqys qaldyqtaryn jınady.


Máýlen Áshimbaev Joldaýda qorshaǵan ortany qorǵaý máselesine erekshe kóńil bólingenine nazar aýdaryp, ekologııalyq damýdyń mán-mańyzyna toqtaldy.

«Prezıdentimiz Joldaýda ekologııalyq damý elimiz úshin aldyńǵy kezekte turǵan basymdyq ekenin atap kórsetti. Soǵan sáıkes memlekettik organdarǵa, Parlamentke, qoǵamdyq ınstıtýttarǵa naqty mindetter júkteldi. Sonyń aıasynda jyl sońyna deıin elimizde Ekologııalyq kodeks qabyldanady. Bul qujat ekologııaǵa qatysty basqa da zańdar sııaqty aldymen azamattyq qoǵam ókilderiniń qatysýymen talqylanyp, pysyqtalady», – dedi Senat tóraǵasy.


Sondaı-aq, Máýlen Áshimbaev osy aptada Senat erekshe qorǵalatyn tabıǵı aýmaqtarǵa qatysty zań qabyldaǵanyn atap ótti. Bul qujat paıdalanylmaı bos jatqan jerlerdi Іle-Alataýy tabıǵı parki men Býrabaı ulttyq parkiniń quramyna qaıtarýǵa múmkindik beredi.

Jalpy aldaǵy bes jylda Memleket basshysynyń tapsyrmasy boıynsha elimizdegi orman alqaptarynda 2 mıllıard, eldimekenderde 15 mıllıon aǵash otyrǵyzý josparlanyp otyr. Sondyqtan búgingi aktsııany Prezıdent bastamasynyń alǵashqy nátıjesi retinde qarastyrýǵa bolady. Senat tóraǵasy mundaı kógaldandyrý jumystarynyń bereri mol jáne «World clean up day» sııaqty aktsııalardyń búkil álem úshin mańyzy zor ekenin atap ótti.


«Qazirgi tańda ekologııalyq másele búkil álemdi alańdatyp otyr. Jer betinde kóptegen tabıǵı oryndar, ormandar men ózen-kólder adamdardyń salǵyrttyǵynan zardap shegýde. Bul – dabyl qaǵarlyq jaıt. Bizdiń elimizde de osy salada másele az emes. Sondyqtan bárimiz judyryqtaı jumylyp, osyndaı ıgi bastamalarǵa belsendi túrde atsalysýymyz kerek», – dedi Máýlen Áshimbaev.

Aıta keteıik, «World cleanup day» aktsııasy áleýmettik baǵytta jyl saıyn uıymdastyrylatyn jahandyq baǵdarlama. Basty maqsat – qorshaǵan ortany qorǵaýǵa búkil álem jurtshylyǵyn jumyldyrý. Byltyr jobaǵa 170-ke jýyq elden volonterler, ekologııalyq qozǵalystardyń kóshbasshylary, iri kompanııalar men uıym ókilderi atsalysqan.

Bıyl atalǵan aktsııa Qazaqstanda Ekologııa, geologııa jáne tabıǵı resýrstar mınıstrliginiń uıymdastyrýymen ótip jatyr. Oǵan bir top Senat jáne Májilis depýtattary, Ekologııa, geologııa jáne tabıǵı resýrstar mınıstri Maǵzum Myrzaǵalıev, Nur-Sultan qalasynyń ákimi Altaı Kólginov, qoǵam qaıratkerleri jáne volonterler qatysty. Senbilik barysynda pandemııaǵa baılanysty barlyq saqtyq sharalary saqtalǵanyn aıta ketken jón.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT