+7 (701) 759 90 19
USD 376.72 EUR 408.67
RUB 5.76 CNY 53.68
Jańalyqtar

Senatorlar óńirlerde  júr

2020 jylǵy 9 qańtar 20:42
Bólisińiz:
Senatorlar óńirlerde  júr

JAMBYL-QYZYLORDA OBLYSTARY. QazAqparat – Parlament Senatynyń depýtattary óńirlerde kezdesýler ótkizýde, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
200-den astam sot sarapshysy shetelde biliktiligin arttyrdy Kúzet salasyndaǵy zańnamaǵa ózgerister engizý usynyldy Májilis AQSh-taǵy Qazaqstan azamattarynyń múddesin qorǵaıtyn qujatty maquldady

Senatorlar Qaırat Qojamjarov, Muratbaı Joldasbaev pen Abdaly Nuralıev Jambyl oblysynda jumys babyndaǵy saparymen boldy.

Depýtattar sapar barysynda oblys aktıvimen jáne jurtshylyq ókilderimen kezdesti. Júzdesý barysynda senatorlar jınalǵandardy zańnamaǵa engizilgen ózgeristerimen tanystyrdy jáne óńirdiń áleýmettik-ekonomıkalyq damý keleshegin, turǵyndardyń ál-aýqatyn kóterý, onyń ishinde kóp balaly jáne az qamtylǵan otbasylarǵa memlekettik qoldaý kórsetý, mindetti áleýmettik-medıtsınalyq saqtandyrý máselelerin talqylady.

Qaırat Qojamjarov oblys jurtshylyǵyn Jambyl oblysynyń qurylǵanyna 80 jyl tolýymen quttyqtady jáne Eýrazııa tarıhy men Qazaqstan memlekettiliginiń qalyptasýyndaǵy aımaqtyń mańyzdy rólin atap ótti. Sondaı-aq ishki turaqtylyq pen halyqtyń ál-aýqatyn arttyrýdyń mańyzy zor ekeni aıtyldy.

Depýtat óz sózinde Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynyń basymdyqtary men onyń júzege asý barysyna jurtshylyqtyń nazaryn aýdardy. Sondaı-aq «Halyqtyń únine qulaq asatyn memleket» degen tujyrymdamasy aıasynda ár azamat óziniń muń-muqtajyn depýtattarǵa jetkize alatynyn, al olar óz kezeginde talap-tilekterine jedel ári syndarly jaýap berýge atsalysatyndaryn eske saldy.

Senator Muratbaı Joldasbaev oblysqa sapardyń negizgi maqsaty – halyqtyń ál-aýqatymen tanysyp, ótkir problemalardy tyńdaý ekenin atap ótti. Sóz alǵan Abdaly Nuralıev ótken jyly qabyldanǵan jańa zańdarǵa toqtala kelip, olardyń basym bóligi áleýmettik máselelerge, halyqtyń ál-aýqatyn arttyrýǵa arnalǵanyn aıtty. Senator agrarlyq sýbsıdııa máselesine de erekshe toqtaldy.

Júzdesýde birqatar mańyzdy máseleler kóterilip, jan-jaqty talqylaý boldy. Onyń ishinde Jýaly aýdanyn gazdandyrý, «Ardagerler týraly» zań jobasy jáne basqa da áleýmettik máseleler kóterildi.

Senatorlar sapar barysynda Jambyl oblystyq prokýrorymen jáne prokýratýranyń bólim basshylarymen, oblystyń quqyq qorǵaý organdarynyń basshylarymen kezdesti. Bul kezdesýde qylmystyq, qylmystyq-protsestik zańnamany jetildirý men jeke tulǵanyń quqyqtaryn qorǵaýdy kúsheıtý máseleleri talqylaýdyń basty taqyryby boldy.

Qaırat Qojamjarov kámelet jasqa tolmaǵandarǵa qatysty zorlyq-zombylyq, brakonerlik, nashaqorlyq, mal urlyǵy, mas kúıde kólik júrgizý, qaıtalanǵan qylmys úshin qylmystyq jaýaptylyqty kúsheıtý sharalary týraly habardar etti.

Senatorlar Jambyl oblystyq polıtsııa departamentiniń Jedel basqarý ortalyǵy men jańadan ashylǵan «Front ofısiniń» jumysymen jáne «Ońtústik» óńirlik qolbasshylyǵy áskerı basqarmasynyń qyzmetimen tanysty.

Depýtattar aımaqqa sapar aıasynda sapaly ónim óndiretin ári qarqyndy damyp kele jatqan «Asa-DAMÝ» qus fabrıkasynda boldy.

Jambyl aýdanynyń ortalyǵyndaǵy «NurOtan» partııasy aýdandyq fılıalynda depýtattar aýdan azamattaryn jeke máseleleri boıynsha qabyldady.

Jumys babyndaǵy saparmen Qyzylorda oblysynyń Jalaǵash aýdanyndaǵy Jalaǵash kenti men Buqarbaı batyr aýylynda jáne Syrdarııa aýdanyndaǵy Syrdarııa kentinde bolǵan Senat depýtattary Murat Baqtııaruly men Bekmyrza Elamanov aldymen I.Toqtybaev atyndaǵy №35 mektep-lıtseıge baryp, aýyl turǵyndarymen, muǵalimdermen, medıtsına qyzmetkerlerimen, aýdandyq jáne oblystyq máslıhat depýtattarymen, sharýa qojalyqtarynyń ókilderimen, sondaı-aq aýyl aqsaqaldarymen kezdesti.

Júzdesýde Senat jumysynyń ashyqtyǵy týraly aıtylyp, Palatanyń jalpy otyrystary men komıtetterdiń keńeıtilgen otyrystary tikeleı efırde kórsetiletini jarııa etildi.

- Zań jobasyn talqylaý barysyn ǵalamtordan barsha qazaqstandyqtar kóre alady. Ótken jyly «Pedagog mártebesi týraly» jáne halyqtyń densaýlyǵyna qatysty zańdar halyq arasynda keńinen talqyǵa salyndy. Osyndaı máselelerdi talqylaýda halyqtyń pikiri, usynysy biz úshin mańyzdy, - dedi Murat Baqtııaruly. - «Pedagog mártebesi týraly» zań ustazdardyń sapaly bilim berýi jáne olardy artyq júktemeden aryltý úshin qabyldanyp otyr. Muǵalimderdiń ar-namysyna tıiskenderge qatysty jaýapkershilik kúsheıtilip, tıisti mólsherde aıyppul tóleıtin bolady. Ustazdar qaýymyn áleýmettik jaǵynan qamtamasyz etý de qolǵa alynyp otyr.

Odan basqa, elimizde jol-kólik oqıǵalarynyń jıilep ketýine baılanysty birqatar zańdarǵa ózgerister engizildi. Atap aıtqanda, kólikti mas kúıinde júrgizgen adamdy 10 jylǵa deıin kólik júrgizý quqyǵynan aıyrý týraly ózgerister bar. Osylaı zańdyq turǵydan talap kúsheıgende ǵana qylmys azaıyp, jol-kólik oqıǵalarynyń kórsetkishi tómendeıtin bolady.

Depýtattar sonymen birge turmystyq jáne kámeletke tolmaǵandarǵa qatysty zorlyq-zombylyqqa, nashaqorlyqqa, adam ólimine qatysty qylmystyq jaýapkershilikti kúsheıtý sharalaryn atap ótti. Júzdesýde aýyl turǵyndarynyń usynys-pikirleri tyńdaldy. Turǵyndar «Pedagog mártebesi týraly» zań jobasynyń qabyldanǵanyna rızashylyǵyn bildirip, mindetti áleýmettik medıtsınalyq saqtandyrýǵa jáne zeınetaqy men eńbekaqyǵa qatysty saýal qoıdy.

Senatorlar kezdesýde aıtylǵan ózekti máseleler baqylaýda bolatynyn aıtyp, mańyzdy taqyryptar Parlament Senatynda talqylanatynyn jetkizdi.

Kezdesý barysynda aýdan ákimderi jańa jyldyń alǵashqy jumys kúnderinde aýdanǵa saparmen kelip, halyqpen júzdesken Parlament Senatynyń depýtattaryna alǵys aıtyp, jumystaryna tilektestigin bildirdi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT