Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.98 EUR 430.63
RUB 6.11 CNY 55.83
Jańalyqtar

Senatorlar «QazAgrony» saýyqtyrý máselesin kóterdi

2019 jylǵy 31 mamyr 13:28 858
Bólisińiz:
Senatorlar «QazAgrony» saýyqtyrý máselesin kóterdi

NUR-SULTAN. QazAqparat - Parlament Senaty Qarjy jáne bıýdjet komıtetiniń keńeıtilgen otyrysynda «QazAgro» holdıngin saýyqtyrý boıynsha qadamdardyń iske asyrylý máselesin kóterdi, dep habarlaıdy QazAqparat tilshisi.

2018 jylǵy respýblıkalyq bıýdjettiń atqarylýyn talqylaý barysynda senatorlar «QazAgrony» saýyqtyrý boıynsha Aýyl sharýashylyǵy mınıstrligi tarapynan bekitilgen tıisti sharalardyń júzege asyrylýy týraly surady. Osy oraıda ekinshi deńgeıli bankter aýyl sharýashylyǵy taýarlaryn óndirýshilerge nesıe bermeıtindigi, al «QazAgro» eki jyl boıy shyǵynmen jumys istep jatqandyǵy aıtyldy.

Óz kezeginde QR Aýyl sharýashylyǵy vıtse-mınıstri Rústem Qurmanov «QazAgro» holdıngin saýyqtyrý boıynsha tutas qujattyń joq ekenin jetkizdi.

«Biz memlekettik komıssııada bekitken qarjylyq model bar. Ol qosymsha kapıtaldandyrýdy jáne kýpondyq syıaqyny sýbsıdııalaýdy qarastyrady. Osy oraıda ár jyl boıynsha qandaı sharalar atqarylatyndyǵy eskerilgen», - dedi R. Qurmanov.

Sonymen qatar QR Qarjy birinshi vıtse-mınıstri Berik Sholpanqulov atalǵan holdıng boıynsha nelikten osyndaı qarjylyq model qabyldanǵanyn túsindirdi.

«QazAgronyń» jańa basshysy taǵaıyndaldy, osy oraıda tolyqtaı taldaý júrgizip, portfelge revızııa jasaý maqsaty qoıyldy. Sonymen birge, Esep komıteti tekserýiniń aıaqtalýyn kútip turmyz, osydan keıin shilde-tamyzda jaǵdaıdyń tolyq sıpaty kórinedi. Jyl sońyna deıin qajetti sharalar atqarylady, sebebi problemany mindetti túrde sheshýimiz kerek. Eń bastysy - problemalardy anyqtaý kerek. Bul turǵyda eki tekseris eskerilgen. Ázirge, taldaý jáne tekseris sharalary aıaqtalǵansha, biz kómek kórsetý sheshimderin qabyldaı almaımyz», - dedi B. Sholpanqulov.

 

 

 

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT