Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.82 EUR 428.67
RUB 5.86 CNY 54.95
Jańalyqtar

Senatorlar halyqpen kezdesip, óńir problemalaryn talqylaýda

2019 jylǵy 17 shilde 12:15 304
Bólisińiz:
Senatorlar halyqpen kezdesip, óńir problemalaryn talqylaýda

NUR-SULTAN. QazAqparat - Altynshy shaqyrylǵan QR Parlamentiniń sessııasy jabylǵannan beri 10 kún ótti. Senat depýtattary osy ýaqyt ishinde qalalar men aýyldarda bolyp, jurtshylyqpen júzdesti, halyqaralyq kezdesýlerge qatysty, dep habarlaıdy QazAqparat Senattyń baspasóz qyzmetine silteme jasap.

Senator Muhtar Qul-Muhammed Nur-Sultan qalasyndaǵy áskerı jáne órt sóndirý bólimderinde boldy. Onda ol órt sóndirýge arnalǵan jańa tehnıkamen jáne órt sóndirý bóliminiń jabdyqtalýymen tanysyp, órt sóndirýshilermen jáne qutqarýshylarmen kezdesti. Áńgime barysynda qaýipsizdik, áleýmettik nysandardy saqtandyrý, halyqty tótenshe jaǵdaı kezinde durys is-qımyl jasaýǵa úıretý boıynsha talaptardy kúsheıtý týraly sóz boldy. Ol sondaı-aq 5573 áskerı bóliminiń jeke quramymen kezdesti.



Senat depýtaty Rysqalı Ábdikerov Qaraǵandy oblysynda boldy. Ulytaý jáne Jańaarqa aýdandarynda, Sátbaev, Qarajal, Jezqazǵan qalalarynda bolǵan kezde azamattardy jeke suraqtary boıynsha qabyldady. Turǵyndar túrli máselelerdi kóterdi, sonyń ishinde azamattyq alý, kentinen Sátbaev qalasyna qonys aýdarý, múgedektikti resimdeý, kóp balaly otbasylar úshin ataýly áleýmettik kómek alý, páter, eldi mekenderdi abattandyrý máseleleri boldy.

Senatorlar Jeńis Nurǵalıev pen Serik Bekturǵanov Qostanaı oblystyq máslıhatynyń kezekten tys sessııasyna qatysty. Depýtattar óńirdiń áleýmettik-ekonomıkalyq damý perspektıvalary men turǵyndardyń ál-aýqatyn kóterý máselelerin talqylady. Olar sondaı-aq Qostanaı oblysy Qoǵamdyq keńesiniń tóraǵasy Azamat Tursynovpen de áńgimelesti. Birqatar problemalyq máselelerdi baqylaýǵa alý, sondaı-aq depýtattyq saýaldardy daıyndaý kezinde aıtylǵan máselelerdi eskerý týraly sheshim qabyldandy.

Senator Dınar Nóketaeva Arystan kelgen balalar tobyn qarsy aldy. Olar Almaty qalasynyń mańynda ornalasqan «Órnek» jazǵy saýyqtyrý lagerinde demalady. Dınar Nóketaeva jas meımandarmen áńgimelesip, bárine demalystary jaqsy ótýine tiletestigin bildirdi.



Senator sondaı-aq «Spýtnık» balalar saýyqtyrý ortalyǵy men «Sálem» saýyqtyrý lagerinde de boldy. Osyndaı ortalyqtarda patrıottyq, tarıhı, tanymdyq taqyryptarǵa arnalǵan is-sharalardy ótkizýdiń mańyzdylyǵyn atap ótti.

Senat depýtaty saýyqtyrý ortalyqtarynda balalardyń jazǵy demalysyn uıymdastyrý jóninde birqatar eskertý aıtty, olardy qysqa merzimde túzetýdi tapsyrdy.

Jumys sapary barysynda senator kıim tigetin jáne aıaq kıim shyǵaratyn «Qazlegprom-Almaty» jaýapkershiligi shekteýli seriktestiginde boldy. Ol kásiporyn ujymyna jeńil ónerkásipti damytýǵa baǵyttalǵan aldaǵy zańnamalyq bastamalar týraly áńgimeledi.




Senat depýtattary Narıman Tóreǵalıev pen Erbolat Muqaev jumys saparymen Batys Qazaqstan oblysynyń birneshe aýyldary men kentterine baryp, jergilikti turǵyndarmen kezdesti. Senatorlar aýdan ortalyǵynda 100 oryndyq ınternat, 300 oryndyq mektep-gımnazııa, 3 qabatty kommýnaldyq turǵyn úı qurylysymen tanysty. Depýtattar sondaı-aq taza sý keletin qubyrdyń qurylysynda da boldy. Senatorlarmen kezdesýde sharýalar kóktemde jáne kúzde otynnyń qymbattaıtynyn aıtyp, maýsym kezinde baǵany tómendetýdi nemese dızel otynyn sýbsıdııalaýmen kómektesýdi surady.

Senator Sársenbaı Eńsegenov jumys saparymen Atyraý oblysyna baryp qaıtty. Depýtat Atyraý qalasynyń turǵyny Qadısha Jaqsylyqovamen jáne onyń qyzy, II toptaǵy múgedek Qalamqas Súndetovamen kezdesti. Jeńildikke ıe turǵyndardyń turǵyn úı satyp alý, sondaı-aq halyqty áleýmettik qoldaý jónindegi zańnamany jetildirý máselelerin kótergen ótinishterin tyńdady.

Senatorlar Tóleýbek Muqashev, Dýlat Qusdáýletov, Mıhaıl Bortnık, Ǵumar Dúısembaev jáne Májilis depýtaty Quralaı Qaraken EQYU Parlamenttik Assambleıasynyń Lıýksembýrgtegi jyl saıynǵy 28-shi sessııasyna qatysty. Bıyl otyrys qaýipsizdikti nyǵaıtý múddesinde turaqty damýǵa járdemdesetin parlamentterdiń róline arnaldy.

Jalpy, óńirlerge sapar kezinde depýtattar 792 turǵyndy tyńdady, jergilikti halyqpen 84 kezdesý ótkizdi, 62 ótinish qabyldandy. 

Óńirlerdegi kezdesýler 2019 jyldyń qyrkúıegine deıin jalǵasady.

 






Bizdiń kanalymyzǵa jazylyńyz:

Basty sózder: Aımaq, Senat, Parlament,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT