+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Senatorlar dárigerlik oqý oryndary juqpaly aýrý mamandaryn daıyndaý kerektigin aıtty

2020 jylǵy 27 qyrkúıek 17:06
Bólisińiz:
Senatorlar dárigerlik oqý oryndary juqpaly aýrý mamandaryn daıyndaý kerektigin aıtty

ÓSKEMEN. QazAqparat - Senattyń Áleýmettik-mádenı damý jáne ǵylym komıtetiniń senatorlar toby Shyǵys Qazaqstan oblysynda jumys babyndaǵy saparda boldy, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Qazaqstandaǵy kitap basý isin ashyq naryqqa jiberý kerek - senator Mýzeıler men kitaphanalarǵa tabys tabýǵa múmkindik beriledi Májilisi depýttarynyń saılaýy qoǵam damýyndaǵy mańyzdy kezeń bolýy tıis - Máýlen Áshimbaev

Depýtattar Semeıdegi júzdesýlerde dárigerlerdiń jetispeýshiligi máselesin talqylady. Senatorlar aımaqtaǵy birqatar mańyzdy máselelerdi –mektepterdegi qashyqtyqtan bilim berý formatynyń tıimdiligi, medıtsınalyq kadrlardy daıarlaý jáne bıliktiń koronavırýstyń ekinshi tolqynyna daıyndyǵy týraly zerdeleýdi josparlaǵan bolatyn.

Medıtsına ýnıversıtetiniń basshylyǵy depýtattarǵa ótken oqý jylynyń qorytyndysy boıynsha túlekterdiń 90%-y densaýlyq saqtaý mekemelerine jumysqa ornalasqanyn habarlady. Alaıda, bul jetkiliksiz, dep esepteıdi senatorlar. Elde dárigerlerdiń jetispeýshiligi baıqalady, ásirese qazir pandemııanyń ekinshi tolqyny kútilip otyrǵan kezeńde ınfektsıonıst dárigerler men vırýsologtardy daıarlaý qajet. Bul týraly depýtat Murat Baqtııaruly Semeı qalasynyń medıtsınalyq joǵary oqý oryndary oqytýshylarymen kezdesýi barysynda aıtty.


«Dárigerlerdiń daıarlaý isi de jańa formatqa kóshkenin kórip otyrmyz. Semeı memlekettik medıtsına ýnıversıtetiniń bazasymen tanysqan kezde onda bilikti dárigerlerdiń, oqytýshy-professorlyq quramnyń bar ekenin kórdik. Biraq eskere ketetin bir másele bar. Jalpy mamandyqqa baılanysty Densaýlyq saqtaý mınıstrligi bir betburys jasaýy kerek. Mysaly, bizdiń elimizde 4000 jýyq dáriger jetispeıdi, ásirese ınfektsıonıster, vırýsologtar jetispeıdi. Osyǵan baılanysty tıisti mamandyqtar men kafedralardy ashý qajettiligi týyndap otyr»,- dedi Murat Baqtııaruly.


Senat depýtattaryn bilim berý granttaryn jasaqtaý jáne iske jaratý, jas mamandardy jumyspen qamtý jáne «Dıplommen – aýylǵa» memlekettik baǵdarlamasynyń nátıjeleri qyzyqtyrady.

Sonymen qatar, Senat depýtattary «Jumyspen qamtýdyń jol kartasy – 2020» jáne «Nurly jer» baǵdarlamalarynyń júzege asyrylý barysyn tekserip, halyqtyń áleýmettik

osal toptaryna arnalyp salynyp jatqan úılerdi jáne mádenı-sport keshenin aralap kórdi. Sonymen qatar, depýtattar kóp balaly otbasylarǵa arnalǵan úıler, jańa mektep salý protsesimen, pandemııa kezindegi aýyldyq eldi mekenderdiń jaı-kúıimen jáne problemalarymen tanysty.


Depýtattar jedel medıtsınalyq járdem aýrýhanasynda bolyp, gıbrıdti operatsııa bóliminiń jumysymen tanysyp, medıtsına qyzmetkerleriniń jalaqysyn kóterý máselesin talqylady. Sondaı-aq, senatorlar pedagogıkalyq kolledjge bardy. M.O.Áýezov atyndaǵy pedagogıkalyq

kolledjge «Ulttyq pedagogıkalyq kolledj» mártebesin berý máselesin kóterdi.


Abaıdyń týǵan jerinde sapar aıasynda senatorlar Aqshoqy, Qaraýyl, Qasqabulaq aýyldary men Jıdebaıda bolyp, Qunanbaı Óskenbaıuly mýzeıimen, «Abaı-Shákárim» memorıaldyq keshenimen tanysty. Depýtattar aýyldyń áleýmettik nysandaryn aralady, jańa mektep pen kóp balaly otbasylarǵa arnalǵan salynyp jatqan úılerdi, mektep-ınternat pen ambýlatorııany kórdi. Sapar qorytyndysy boıynsha depýtattar óńirdiń oń damýyn atap ótti.

«Jumys sapary aıasynda biz Semeıde jáne Abaıdyń otany Jıdebaıda boldyq. Uly Abaıdyń 175 jyldyǵy atap ótetin jyly bizdiń saparymyzdyń maqsaty el Prezıdenti Joldaýynyń oryndalýyn baqylaý boldy. Jumyspen qamtýdyń jol kartasy aıasyndaǵy barlyq jobalar jaqsy oryndalýda, óńir damyp keledi. Semeıde Qaraǵaıly jańa shaǵyn aýdany salynyp, damý qarqyndy júrip jatyr», - dedi Senat depýtaty Murat Baqtııaruly.

Senatorlar Qaraýyldaǵy Abaı eskertkishine gúl shoqtaryn qoıdy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT