Senatorlar bilim sapasy men jastardy jumysqa ornalastyrý máselesin talqylady
ASTANA. QazAqparat – Búgin Senatta «Mektepke deıingi bilim berýdiń qoljetimdiligin arttyrý, sapaly orta bilim berýdi qamtamasyz etý, joǵary jáne kásiptik-tehnıkalyq bilim berýdiń damý úrdisteri» taqyrybynda dóńgelek ústel boldy dep habarlaıdy QazAqparat Senattyń baspasóz qyzmetine silteme jasap.
Іs-sharaǵa Senat depýtattary, ýákiletti jáne múddeli mınıstrlikter, Astana, Almaty, Shymkent qalalary men oblystyq máslıhattardyń áleýmettik-mádenı damý jónindegi turaqty komıssııasynyń tóraǵalary, bilim berý jáne qoǵamdyq uıymdardyń, pedagogıkalyq qoǵamdastyq ókilderi qatysty.
Senattyń Áleýmettik-mádenı damý jáne ǵylym jónindegi komıtetiniń tóraǵasy Nurtóre Júsip qazirgi jaǵdaıda tehnıkalyq jáne kásiptik joǵary bilim berý júıesi neǵurlym ıkemdi ári tıimdi bolýy, ekonomıka úshin qajetti jáne kerek kadrlardy daıarlaýǵa tıis ekenin atap ótti.
«Elimizdegi bilim berý júıesin sandyq kórsetkishter ǵana emes, sapalyq kórsetkishterge oraılastyryp negizdeý – búgingi kúnniń basty talaby. Bizdiń komıtet búgingi sharany uıymdastyrý jónindegi jumys aıasynda birneshe kezdesý ótkizdi. Bilim berý, oqytý protsesterine zamanaýı ádistemeler men tehnologııalardy engizýge, pedagogterdiń sapasy men biliktiligin arttyrýǵa, eńbek naryǵyndaǵy mamandyqtar básekesin arttyrýǵa jáne jastar arasyndaǵy jumyssyzdyqty azaıtýǵa qatysty birqatar másele kóterildi. Bul baǵyttar boıynsha aýqymdy jumys kútip tur», – dedi Nurtóre Júsip.
Kezdesý barysynda Bilim, Ǵylym jáne joǵary bilim mınıstrligi, sondaı-aq qoǵamdyq uıym ókilderi baıandama jasady.
Depýtattar dóńgelek ústel otyrysynyń qorytyndysy boıynsha Úkimetke jiberiletin usynymdar ázirlenetinin atap ótti.
