+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Senatorlar azamattardy áleýmettik qorǵaýdy kúsheıtetin zań jobasyn qaraıdy

2021 jylǵy 13 qyrkúıek 12:08
Bólisińiz:
Senatorlar azamattardy áleýmettik qorǵaýdy kúsheıtetin zań jobasyn qaraıdy

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 2021 jylǵy 16 qyrkúıek kúni ótetin Senat otyrysynyń kún tártibin bekitti, dep habarlaıdy QazAqparat.

Uqsas jańalyqtar
Qazaqstan qoǵamynyń qurylymy túbegeıli ózgerdi - Senat Tóraǵasy

Aldaǵy beısenbide senatorlar «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn qaraıdy. Atalǵan qujat elimizde múgedek adamdardyń quqyqtaryn qorǵaýdy, olardyń ómir súrý sapasyn jaqsartýdy, memlekettik áleýmettik járdemaqy mólsherin arttyrýdy, zeınetaqymen qamsyzdandyrýdy, halyqty jumyspen qamtýdy jáne áleýmettik saqtandyrý máselelerin jetildirýdi kózdeıdi.

«Zań jobasynda birinshi toptaǵy múgedekterge kútim jasaıtyn adamdarǵa eń tómengi kúnkóris deńgeıiniń 1,40 mólsherinde járdemaqy engizý jáne erekshe qajettilikteri bar balalardyń barlyq toptary úshin járdemaqy mólsherin ulǵaıtý máseleleri qarastyrylyp otyr. Sondaı-aq qujatta jumyssyzdardy eńbek bırjasynda tirkeý, jumyssyz mártebesine ıe bolý jáne tıisti járdemaqy alý rásimderin jeńildetetin normalar jazylǵan», - delingen Senat baspasóz qyzmetiniń málimetinde.

Sonymen qatar, aldaǵy Palata otyrysynda Senat depýtaty Serikbaı Trumovtyń ant berýi jáne ony Senattyń turaqty komıtetiniń quramyna saılaý týraly másele qaralady.

Odan bólek, Bıýro otyrysynda Májilisten kelip túsken «Kaspıı teńiziniń teńiz ortasyn qorǵaý jónindegi negizdemelik konventsııaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratıfıkatsııalaý týraly» zań jobasy jumys úshin Senattyń Agrarlyq máseleler tabıǵatty paıdalaný jáne aýyldyq aýmaqtardy damytý komıtetine berildi.

Budan buryn habarlanǵandaı, Memleket basshysynyń Jarlyǵymen Serikbaı Trumov Qazaqstan Respýblıkasy Parlamenti Senatynyń depýtaty bolyp taǵaıyndaldy.



Bizdiń kanalymyzǵa jazylyńyz:

#Senat  
Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT