+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

Senatorlar Álim Almat týraly fılm túsirý jóninde bastama kóterdi

2020 jylǵy 24 qyrkúıek 11:08
Bólisińiz:
Senatorlar Álim Almat týraly fılm túsirý jóninde bastama kóterdi

NUR-SULTAN. QazAqparat – Bir top senator Ekinshi dúnıejúzilik soǵysta qapyda tutqynǵa túsken jaýyngerler aqtalýy kerektigin másele etip kóterip, sondaı azamattardyń biri Álim Almat týraly fılm túsirýdi usyndy, dep habarlaıdy QazAqparat tilshisi.

Uqsas jańalyqtar
Qazaqstandaǵy kitap basý isin ashyq naryqqa jiberý kerek - senator Mýzeıler men kitaphanalarǵa tabys tabýǵa múmkindik beriledi Májilisi depýttarynyń saılaýy qoǵam damýyndaǵy mańyzdy kezeń bolýy tıis - Máýlen Áshimbaev

«Onyń biri - soǵys qurbany, ómiriniń sońyna deıin týǵan jerinde aqtalmaǵan Álim Almat bolatyn. Ol 1939 jyly qyzyl ásker qataryna shaqyrylyp, 1941 jyly elge qaıtar kezde soǵys bastalyp ketedi. Maýsym aıynyń sońynda Á.Almat dıvızııadaǵy 560 adammen birge tutqynǵa túsedi. Biraq qazaqtyń birtýar perzenti Mustafa Shoqaıdyń jary Marııa Shoqaıdyń kómegimen tutqynnan bosap shyǵyp, mýzyka ýchılıesine oqýǵa qabyldanady. Talantty mýzykant áýeli Parıjdegi konservatorııada oqıdy, keıin túrik elshiligi arqyly Túrkııa azamattyǵyn alady. Sol elde qaıtys boldy», - deıdi Úkimet basshysyna depýtattyq saýal joldaǵan Álimhan Qurtaev resmı saýalynda.

Onyń aıtýynsha, bul - bir adamnyń taǵdyry. Mundaı adamdar júzdep, myńdap sanalady. Qorǵanys mınıstrliginiń bergen málimetinshe, Qazaqstannan soǵysqa attanǵan azamattardyń sany – 1 196 164. Sonyń ishinde 322 462 adam maıdanda kóz jumǵan.

Soǵystan oralǵandardyń sany – 595 153 adam, al soǵystan oralmaǵandardyń sany – 601 011. Demek, Álim Almatpen taǵdyrlas 600 myńnan astam adam bar degen sóz.

«Hatymyzdy ázirleý barysynda soǵysqa qatysýshylardyń naqty sanyn bilmek bolyp, Qorǵanys jáne Іshki ister mınıstrligine, Ulttyq qaýipsizdik komıtetine suraý salyp, hat jazdym. Jaýdyń tutqynynda bolǵan qazaq jaýyngerleriniń aqtalǵan jáne aqtalmaǵandarynyń sany jóninde aqparat alý úshin quzyrly mekemeler syrǵytpa jaýap jazyp, bir-birine siltedi. Іshki ister mınıstrliginiń jaýabynda arhıvtik qujattardyń qupııa bolyp tabylatyny aıtylǵan. Sonda biz tutqyndardyń taǵdyryn kimnen jasyryp, qupııa ustaımyz? Keńestiń kelmeske ketkenine 30 jylǵa jýyqtasa da, quldyq sanadan aryla almaı, jat elde joqtaýsyz qalǵan bozdaqtarymyzdyń rýhynyń aldynda dármensizdik tanytyp otyrmyz. Álemniń barlyq elderi jeriniń tutastyǵy, halqynyń azattyǵy úshin kúresken jaýyngerlerin aqtap, memlekettik aktiler qabyldady. Sóıtip, aqıqat pen ádildikti qalpyna keltirdi», - deıdi ol.

Álimjan Qurtaev Qorǵanys mınıstrligi soǵystan qaıtpaǵandardyń sany 601 011 adam degen derekti jarııalaǵanyn, japon, nemis, amerıkan halqy soǵysta ólgen ár soldatynyń súıegin, topyraǵyn eline aparyp, qurmettep jerleıtinin aıtyp ótti.

«Eger biz ádilettilik saltanat qursyn desek, soǵys tutqyndardyń barlyǵyn aqtaý týraly arnaýly qaýly shyǵaryp, memlekettik deńgeıde obektıvti baǵa berýimiz kerek», – dedi senator Á.Qurtaev.

Sondaı-aq, depýtat bul baǵytta bizge úlgi bolarlyq isti kórshi memleket, soǵysynyń negizgi nysany bolǵan Reseı Federatsııasy júzege asyrǵanyna nazar aýdardy.

«Reseıde 1995 jyly 24 qańtarda soǵys kezinde jáne soǵystan keıingi kezeńde qýǵyn-súrginge ushyraǵan, buryn áskerı tutqyn jáne azamattyq tulǵa bolǵan Reseı azamattarynyń zańdy quqyqtaryn qalpyna keltirý týraly» Jarlyq shyqty. Bul Jarlyq Reseı aýmaǵynda, negizinen alǵanda, keńes qolbasshylyǵynyń kinásinen tutqynǵa túsken júzdegen, myńdaǵan qurbandaryn aqtap, olardyń ar-namysyn qalpyna keltirýge jol ashty. Olaı bolsa, bizdiń de surapyl soǵysta qaza tapqan, elge orala almaǵan bozdaqtarymyzdyń esimi men erligin aqtap, tarıhı aqıqatty qalpyna keltiretin kún jetti», – dedi senator.

Á.Qurtaev osyǵan baılanysty mynadaı máselelerdi sheshýdi usyndy. Ol soǵys tutqyndaryna qatysty resmı málimetter tııanaqtalyp, bir júıege keltirilip, halyqqa ashyq qoljetimdi bolýy tıis ekenin atap ótti. Sondaı-aq, tutqynda qaza bolǵan barlyq jaýyngerlerimizdiń taǵdyryn tolyq zerttep, aty-jónin elge jarııalaý qajettigin aıtty.

Sonymen qatar senator óz Otanyn jaýdan qorǵaý jolynda kóz jumǵan, jat elderde qalǵan barlyq soǵys tutqyndaryn aqtaıtyn arnaıy qaýly shyǵaryp, memlekettik akti qabyldaý týraly oılaryn jetkizdi. Odan bólek, soǵys qurbany, qapyda jaý qolyna túsken Álim Almattyń ómiri men óner jolynan syr shertetin, jas urpaq úshin taǵylymy mol kórkem fılm túsirý týraly da usynys aıtty.

Depýtattyq saýalǵa Senat depýtattary Á.Qurtaev, M.Baqtııaruly, M.Jumaǵazıev qol qoıǵan.


Bizdiń kanalymyzǵa jazylyńyz:

#Parlament   #Senat   #Qoǵam  
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT