Senator jumyssyzdyq týraly derekterge senimsizdik tanytty
2022 jylǵy 20 qańtar 11:43

Senator jumyssyzdyq týraly derekterge senimsizdik tanytty

NUR-SULTAN. QazAqparat – Respýblıkalyq bıýdjettiń jartysynan astamy áleýmettik salaǵa jáne halyqtyń ómirin jaqsartýǵa baǵyttalady. Degenmen, ony tıimdi paıdalanýda aıqyn kemshilikter bar. Bul týraly Senattyń jalpy otyrysynda elimizdiń Premer-Mınıstrine saýal joldaǵan Aıgúl Qapbarova aıtty, dep habarlaıdy QazAqparat tilshisi.

Onyń atap ótýinshe, statıstıkalyq derekter boıynsha 2020 jyly jumyssyzdyq deńgeıi 4,9 paıyzdy qurady. Resmı statıstıka kórsetkendeı, jumyssyzdyq deńgeıi búgingi kúni ózgerissiz qalady. Bul - 450 753 adam. Alaıda, bul sandarǵa sený qıyn.

«Kóptegen damyǵan elderde epıdemıologııalyq jaǵdaıǵa baılanysty eńbek naryǵyndaǵy jaǵdaı kúrt ózgerdi, jumyssyzdyq deńgeıi kem degende 10 paıyzdy qurady. Al Qazaqstandaǵy ózgerister – 0,2 paıyz. Bul sandar qoǵamǵa da, ekonomıkalyq sarapshylarǵa da senim uıalatpaıdy. Prezıdent Qasym-Jomart Toqaev memlekettik organdarǵa tsıfrlyq oıyndardy toqtatyp, azamattardyń naqty ómirin jaqsartýǵa naqty tapsyrma berdi. Osyǵan baılanysty, qalyptasqan jaǵdaıdy eskere otyryp, Úkimet halyqty jumyspen qamtý boıynsha qandaı keshendi sharalar qabyldap jatyr degen suraq týyndaıdy», - dep atap ótti depýtat.

Sonymen qatar Aıgúl Kapbarova nazaryn jumyssyzdyqpen kúres boıynsha qabyldanyp jatqan sharalardyń tıimdiliginiń tómendigine nazar aýdardy. Esep komıtetiniń derekteri boıynsha daǵdarysqa qarsy jobalardyń bar-joǵy 14% - y uzaq merzimdi ekonomıkalyq aktıvter men obektilerdi qurýǵa baǵyttalǵan. Jumyssyzdyqqa qarsy kúreste jaýapty organdar qysqa merzimde áser etetin ádisterdi jıi tańdaıdy. Osyǵan baılanysty senator osy saladaǵy jaǵdaıdy jaqsartý boıynsha birqatar sharalardy usyndy.

«Jumyspen qamtýǵa járdemdesýdiń belsendi sharalary kózdelgen qazirgi «Eńbek» jumyspen qamtý baǵdarlamasyna qosymsha, ınfraqurylym obektilerin salý jáne damytý esebinen jumys oryndaryn qurý jónindegi sharalardy qamtıtyn «Jumyspen qamtýdyń jol kartasy (JQJK)» baǵdarlamasyna bólingen 1 trln teńge qarajattyń durys jumsalýyn qatań qadaǵalaý jáne qarjynyń sapaly ıgerilýin zerdeleý jumystaryn júrgizý qajet. Bul eki baǵdarlama túpki maqsatynan aýytqymaı, halyqty turaqty jumyspen qamtýy tıis», - dedi depýtat.


Jańalyqtar

MURAǴAT