+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Senator veterınarlardyń negizgi problemalaryn aıtty

2021 jylǵy 22 sáýir 12:57
Bólisińiz:
Senator veterınarlardyń negizgi problemalaryn aıtty

NUR-SULTAN. QazAqparat – Senattyń jalpy otyrysynda depýtat Muhtar Jumaǵazıev jumys protsesiniń tómen deńgeıde uıymdastyrylýy, eńbek etýge qarapaıym jaǵdaıdyń jasalmaýy, materıaldyq-tehnıkalyq bazanyń jetkiliksizdigi, jalaqynyń tómendigi veterınar mamandardyń qyzmet etýge yntasynyń azaıýyna áser etetinin aıtyp, Úkimet basshysyna depýtattyq saýal joldady, dep habarlaıdy QazAqparat tilshisi.

Uqsas jańalyqtar
Tuqym sharýashylyǵynda túıtkilder az emes - Aqylbek Kúrishbaev Qazandaǵy qandy oqıǵadan keıin Jambyldaǵy mektepterde qaýipsizdik sharalary kúsheıtilýde Aqmola oblysynda jazǵy mekteptiń jumysy jandanbaq

«Joǵary jáne orta arnaýly oqý oryndary jas mamandarǵa degen turaqty suranysty qanaǵattandyra almaı keledi. Osy salaǵa jumysqa kelgender eńbek ári turmys jaǵdaıy bolmaýy saldarynan jumys oryndarynda asa kóp aıaldamaıdy. Nazar aýdaratyn bolsaq, elimizde veterınarııa baǵyty boıynsha mamandar daıarlaıtyn 10 joǵary oqý ornynda sońǵy úsh jylda 3602 adam bilim alǵan. Onyń ishinde úsh beıindi JOO-da 2018 jyly 712, al 2020 jyly 826 adam oqý bitirgen», - dep toqtaldy senator.

Osy oraıda ol veterınarııa boıynsha túlekterdiń jumysqa ornalasýy 2018 jyly 79 paıyz bolsa, 2020 jyly 50 paıyzdy quraǵanyn aıtty.

«Bolashaq» baǵdarlamasymen osy salada 12 adam ǵana shet elderde oqyǵan. Olardyń keıbiri mamandyq boıynsha jumysqa ornalaspaǵan.

Depýtat keltirgen aqparatqa saı, veterınarlyq stansalardyń kópshiligi mamandardyń jeke úıinde, jalǵa alynǵan ǵımarattarda ornalasqan.

Osy saladaǵy mamandardyń orta jasy 50-55, keıde tipti 59 jasqa jetip qalǵan.

«Dıplommen aýylǵa» memlekettik baǵdarlamasynda qoıylǵan maqsattardy iske asyrý sharalary eshqandaı syn kótermeıdi. Sońǵy 5 jylda osy baǵdarlama aıasynda 1875 jas maman jumysqa ornalasqan», – dedi Muhtar Jumaǵazıev.

Senator óz saýalynda agroónerkásiptik keshen úshin kadr daıarlaýǵa memlekettik bilim berý tapsyrysyn qalyptastyrý boıynsha quzyretti Bilim jáne ǵylym mınıstrliginen alyp, Aýyl sharýashylyǵy mınıstrligine berý qajettigine nazar aýdardy. Osy mamandyq boıynsha aýyl jastary úshin granttar sanyn arttyryp, veterınarlardyń jalaqysyn ósirý, olardyń materıaldyq-tehnıkalyq jabdyqtaryn jetildirý máseleleriniń ózektiligin de atap ótti.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT