Senator Sultanbek Mákejanov Qarjy jáne bıýdjet komıtetiniń múshesi bolyp saılandy
2022 jylǵy 13 qańtar 11:34

Senator Sultanbek Mákejanov Qarjy jáne bıýdjet komıtetiniń múshesi bolyp saılandy

NUR-SULTAN. QazAqparat – Senator Sultanbek Mákejanov Palatanyń Qarjy jáne bıýdjet komıtetiniń múshesi bolyp saılandy, dep habarlaıdy QazAqparat tilshisi.

Búgin QR Parlamenti Senatynyń jalpy otyrysynda depýtattar senator Sultanbek Mákejanovty óz ótinishi negizinde Qarjy jáne bıýdjet komıtetiniń múshesi etip saılady.

Buǵan deıin ol Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi bolǵan.

«Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Sultanbek Almasbekuly Mákejanov basqa komıtetke aýysý týraly ótinish bildirdi. Zańnamaǵa sáıkes, depýtattardyń ondaı quqyǵy bar», - dedi Senat tóraǵasy Máýlen Áshimbaev.

Depýtattar atalmysh másele týraly qaýlyny qoldap daýys berdi.

Buǵan deıin jazǵanymyzdaı, Senat otyrysynda Qanat Mýsın QR Joǵarǵy sot sýdıasy qyzmetinen bosatyldy.



Jańalyqtar

MURAǴAT