+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Senator shetelge mal satýǵa narazylyq bildirdi

2019 jylǵy 10 qazan 12:31
Bólisińiz:
Senator shetelge mal satýǵa narazylyq bildirdi

NUR-SULTAN. QazAqparat – Qazaqstanda shetelge mal satý boıynsha kúrdeli jaǵdaı qalyptasyp otyr. Bul týraly búgin Parlament Senatynyń jalpy otyrysynda depýtat Álı Bektaev másele kóterdi, dep habarlaıdy QazAqparat tilshisi.

«Kórshi memleketter, ásirese Ózbekstan Respýblıkasy memleketaralyq saýda-sattyq qarym-qatynastyń ońtaılyǵyn paıdalana otyryp, qazaqstandyqtardan iri qara mal men ýaq maldardy jappaı satyp alý saıasatyn júrgizýde. Mysaly, 2018 jyldyń qorytyndysy boıynsha Qazaqstannan tys jerge 88 myńǵa jýyq mal satylsa, tek bıylǵy toǵyz aıdyń ózinde 333 myńnan astam mal shyǵarylǵan. Bul byltyrǵy jylmen salystyrǵanda 3,8 ese kóp. Satylǵan iri qaranyń sany 2 ese, al ýaq maldyń sany 7 esege ósken. Syrtqa satylǵan mal basynyń 80 paıyzyn Ózbekstan azamattary satyp alǵan. Olar Qazaqstannyń shekara aýmaǵynda ornalasqan Túrkistan, Qyzylorda oblystarynan ǵana emes, Shyǵys Qazaqstan, Aqmola, Qaraǵandy, Almaty, Jambyl oblystarynan da maldyń sapaly bóligin iriktep alýda. Eń soraqysy, shetke satylǵan maldardyń 50 paıyzǵa jýyǵy reprodýktıvti analyq bastar, ıaǵnı kórshiles memleketter Qazaqstannyń maldaryn etke ǵana emes, óz maldarynyń sapasyn jaqsartýǵa jáne mal basyn kóbeıtý úshin de satyp alýda», - dedi Álı Bektaev QR Úkimet basshysy Asqar Mamınniń atyna joldaǵan depýtattyq saýalynda.

Senatordyń paıymynsha, bul jaǵdaı áli de 1991 jyldyń deńgeıine jete qoımaǵan Qazaqstandaǵy mal basynyń ósýine keri áserin tıgizedi.

«Árıne, naryq zamanynda árbir fermer, bolmasa aýyl turǵyny ózderi ósirgen maldaryn qaıda jáne qaı baǵamen satamyn dese de óz erki. Memleket tarapynan ol úshin ońtaıly jaǵdaılar da jasalynýy tıis. Aýyl turǵyndarynyń tabysty bolǵany ózderine de, memleketke de mańyzdy ekendigin bárimiz de jaqsy túsinemiz. Biraq, shetelge mal shyǵaryp, satýmen aınalysyp júrgenderdiń kópshiligi sharýalar emes, ortada júrgen deldaldar. Sebebi naǵyz sharýa, adal eńbek adamy, mańdaı terin tógip júrgen fermer eshqashanda maldyń analyq basyn shetke satpaıdy. Maldyń kóbeıýi úshin analyq bastyń qanshalyqty kerek ekendigin sharýa jaqsy túsinedi. Naǵyz fermer maldyń qaısysyn saqtaý kerek, qaısysyn etke jiberýge, qaı bóligin satýǵa bolatynyn jaqsy biledi», - dedi Á. Bektaev.

Senatordyń atap ótýinshe, QR Úkimeti tarapynan mal eksportyna qatysty aýqymdy jáne utymdy sharalar qabyldanýy qajet.

«Aýyl sharýashylyǵy mınıstrliginiń shetke shyǵaratyn maldardyń analyq bastaryn shekteý týraly qabyldaǵan sheshimi jetkiliksiz dep oılaımyz. Sondyqtan veterınarlyq qyzmetten bólek, keden jáne kiris, taǵy da basqa quqyq qorǵaý organdarynyń bul baǵyttaǵy jumystaryn úılestiretin Úkimettiń arnaıy normatıvtik qujaty qabyldanýy kerek. Bul jerde naryq talabyna saı ózge de mehanızmderdi paıdalanǵan tıimdi bolmaq. Ásirese jergilikti jerlerde maldardy soıyp, etin qaıta óńdeıtin óndiristi jappaı damytý mańyzdy. Shetelge tiri mal emes, et jáne et ónimderin satý áldeqaıda tıimdi bolmaq. Bul baǵytta mal bordaqylaý men et óndirisin sýbsıdııalaý saıasatyn da naqty qarap, pysyqtaý qajet dep esepteımiz. Qoldaǵy bar málimetterge súıensek, bıylǵy jyldyń segiz aıynda shet memleketterge 4800 tonna qara mal men qoıdyń eti satylsa, tiri mal kúıinde 300 myń bas satylǵan, ony etke aınaldyrǵanda 26 myń tonnadan asady, ıaǵnı 5,4 ese kóp», - dedi depýtat.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT