+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Senator: Balany qorlaǵandar ǵana emes, sol qylmysty jasyrǵandar da qatań jazalanýy kerek

2020 jylǵy 24 qyrkúıek 11:47
Bólisińiz:
Senator: Balany qorlaǵandar ǵana emes, sol qylmysty jasyrǵandar da qatań jazalanýy kerek

NUR-SULTAN. QazAqparat – Senat depýtaty Dana Nurjigit QR Bas prokýroryna depýtattyq saýal joldady, dep habarlaıdy QazAqparat tilshisi.

«Halyqaralyq tájirıbeni saralap, qylmystyq zańnama qoldanysyn taldap, balalarǵa qarsy jynystyq sıpatta jasalǵan qylmystyń barlyq túrine qatysty jazany qaıta qarap, qatańdatý boıynsha usynystar ázirleýdi suraımyz», – dedi Dana Nurjigit Senat otyrysyndaǵy óz saýalynda.

Sondaı-aq, depýtat Memleket basshysynyń osy másele boıynsha bergen tapsyrmasynyń oryndalý barysy týraly aqparat berýdi surap, bul saladaǵy halyqaralyq konventsııalarǵa qosylý jáne ımplementatsııalaý boıynsha zańnamalyq usynystar engizý qajettigin atap ótti.

Depýtat keltirgen statıstıka boıynsha, Qazaqstanda keıingi 4 jylda osyndaı qylmystar úshin 1868 adam kináli dep tanylǵan. Onyń 539-y ǵana 10 jylǵa deıingi merzimge bas bostandyǵynan aıyrylǵan. Bıyldyń ózinde ǵana kámeletke tolmaǵan balalarǵa qarsy jasalǵan qylmys 8 paıyzǵa ósken.

«Muny toqtatý úshin qatań jaza qylmysty jasaǵan adamǵa ǵana emes, sol qylmysqa jol bergen, faktilerdi jasyrǵan, qylmyskerdiń jaltarýyna múmkindik bergen azamattarǵa da qoldanylýy kerek dep oılaımyz», – deıdi Senat depýtaty.

Sondaı-aq, D.Nurjigit Qazaqstan Halyqaralyq deńgeıde balalardy qorǵaıtyn eki mańyzdy qujatqa áli qol qoımaǵanyna nazar aýdardy. Olar: birinshi - Balalar quqyqtary týraly konventsııanyń úshinshi fakýltatıvtik hattamasy. Ekinshi - Eýropa Odaǵynyń balalardy seksýaldy eksplýatatsııadan jáne seksýaldy zorlyq zombylyqtan qorǵaý konventsııasy.

«Bul konventsııaǵa qosylǵan memleketter balany jezókshelikke tartý, májbúrleý nemese seks-taýar retinde kórip, paıdalaný, balalar pornografııasyn óndirý, usyný, taratý, satyp alý, saqtaý úshin qylmystyq jaza qarastyrýǵa mindetti», - deıdi depýtat saýalynda.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT