+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Senator Atyraý oblysyndaǵy jol qurylysyn aıaqtaý merzimin kórsetýdi talap etti

2020 jylǵy 24 qyrkúıek 11:31
Bólisińiz:
Senator Atyraý oblysyndaǵy jol qurylysyn aıaqtaý merzimin kórsetýdi talap etti

NUR-SULTAN. QazAqparat - Atyraý oblysyndaǵy joldardyń jaı-kúıi týraly senator Ǵumar Dúısembaev Úkimet basshysy Asqar Mamınniń atyna depýtattyq saýal joldady, dep habarlaıdy QazAqparat tilshisi.

«Bul óńirde Atyraý-Oral jáne Muqyr-Qulsary avtojoldaryn qaıta jańartý josparlanǵan bolatyn. Memleket basshysynyń tapsyrmasy boıynsha «Nurly jol» memlekettik baǵdarlamasy aıasynda 2025 jylǵa deıin 24 myń shaqyrym respýblıkalyq jol jańartylady. Respýblıkalyq mańyzy bar avtojoldardyń oblystaǵy jaqsy jáne qanaǵattanarlyq jaǵdaıdaǵy úlesi nebári 66%-dy quraıdy, al respýblıka boıynsha ortasha kórsetkish – 88% bolyp otyr. Aıta ketý kerek, sońǵy jyldary óńirdiń jol-kólik oqıǵalarynyń statıstıkasy máz emes. Eger 2016-2017 jyldary 65 jol-kólik oqıǵasy oryn alsa, 2018-2019 jyldary bul kórsetkish 111 boldy, onda 209 adam jaraqat alyp, 59 adam qaıtys boldy», - deıdi ol depýtattyq saýalynda.

Senator sondaı-aq saýalda Atyraý-Oral avtojolyndaǵy ótý qarqyny táýligine 7 myń avtomobıldi quraıtyny aıtylǵanymen, bul joldyń qazirgi talap kórsetkishterine sáıkes kelmeıtinin jetkizdi.

«2021-2023 jyldarǵa arnalǵan respýblıkalyq bıýdjet jobasynda osy maqsattarǵa 4,4 mlrd teńge mólsherinde qarajat kózdelgen. 1 shaqyrym avtojoldy qaıta jańartýdyń boljamdy quny 400-600 mln teńgeni quraıdy. Al qurylystyń normatıvtik uzaqtyǵy 3 jyl. Kórsetilgen qarajat pen belgilengen merzimde uzyndyǵy 487 shaqyrym joldy qaıta jańǵyrtý jumystarynyń tabysty bolǵanyna kúmán týady», - dep atap ótti Ǵ.Dúısembaev.

Senator qarjylandyrý kózderin jáne osy joldy qaıta jańartýdy aıaqtaý merzimderin kórsetýdi talap etti. Ǵumar Dúısembaev sonymen qatar qatty jabyny múlde joq Muqyr-Qulsary jolynyń nashar jaǵdaıy alańdatatynyn jetkizdi.

«Memlekettik baǵdarlamada qarjylandyrý kózi kórsetilmegen. Úkimet joǵaryda atalǵan jobalardy qarjylandyrý kózderin anyqtaý jáne olardy ýaqtyly aıaqtaý jóninde qajetti sharalar qabyldaýy qajet», - dedi depýtat.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT