+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Senat tóraǵasy: Respýblıka deńgeıinde sheshim qabyldaǵanda máslıhattardyń pikirine nazar aýdarý qajet

2019 jylǵy 6 jeltoqsan 10:38
Bólisińiz:
Senat tóraǵasy: Respýblıka deńgeıinde sheshim qabyldaǵanda máslıhattardyń pikirine nazar aýdarý qajet

NUR-SULTAN. QazAqparat - Respýblıkalyq deńgeıde sheshim qabyldaǵan kezde máslıhat depýtattarynyń ustanymdary men pikirlerine kóbirek nazar aýdarý qajet. Bul týraly búgin Qazaqstan máslıhattarynyń 25 jyldyǵyna arnalǵan respýblıkalyq konferentsııada QR Parlamenti Senatynyń Tóraǵasy Darıǵa Nazarbaeva aıtty, dep habarlaıdy QazAqparat tilshisi.

Uqsas jańalyqtar
Nurlan Nyǵmatýlınniń tóraǵalyǵymen Májilistiń Bıýro otyrysy ótti Májiliste jedel járdem qyzmetine qatysty el turǵyndarynyń usynysy aıtyldy Mınıstr Baıqońyrda kommýnaldyq shyǵyn qanshalyqty tómendeıtindigin aıtty

«Shırek ǵasyr buryn elimizde máslıhattarǵa alǵashqy saılaý ótti. QR Tuńǵysh Prezıdenti – Elbasymyz Nursultan Ábishuly Nazarbaevtyń bastamasymen osy kezden bastap jergilikti ókildi organdardyń tarıhy bastaldy. Búgingi konferentsııa - atqarylǵan jumystardyń qorytyndysyn shyǵarýǵa, máslıhat qyzmetiniń perspektıvalary men problemalary týraly aıtýǵa jaqsy sebep. Bizge jumysymyz týraly, halyqtyń jaǵdaıyn jaqsartý úshin jasalatyn oń qadamdar týraly baısaldy, iskerlik áńgime qajet. Bul - ýaqyt talaby», - dedi Darıǵa Nazarbaeva.


Senat spıkeri Memleket basshysy Qasym-Jomart Toqaev óziniń saılaýaldy tuǵyrnamasynda «Azamattardyń sheshimder qabyldaý protsesine qatysý jáne olardyń iske asyrylýyn baqylaý tetikterin kózdeıtin jergilikti ózin-ózi basqarý organdaryn odan ári damytýdy qoldaý» qajettigin atap ótkenin eske saldy.

«Endi osy baǵytta naqty qadamdar jasaıtyn kez keldi. Jergilikti basqarý - bul basqarýdyń mańyzdy deńgeıi. Ákimshilik reforma oǵan aıtarlyqtaı ókilettik berdi. Dál osy jergilikti memlekettik jáne ózin-ózi basqarý organdary halyqqa barynsha jaqyn, olar eldiń ýaıymy men úmitin jaqsy biledi. Meniń aımaqtarǵa is-saparlarym, depýtattarmen qarym-qatynas barysy respýblıkalyq bıýdjet, zańnamalyq jumystar boıynsha sizderde úlken potentsıal bar ekenin kórsetti», - dedi ol.

Darıǵa Nursultanqyzy máslıhattyqtar bıýdjetti josparlaý protsedýralaryn ózgertý, oǵan depýtattardyń belsendi qatysýy, aımaqtyq tekserý komıssııalaryn bıýdjet jumysyna tartý máselelerin negizdi túrde kóterip kele jatqanyn aıtty.

«Bul osy máselelerge qatysty bizdiń kózqarasymyz bir ekenin bildiredi jáne ary qaraı qaı baǵytta júretinimizdi osydan túsinýge bolady. Respýblıkalyq deńgeıde sheshim qabyldaǵan kezde de aımaqtardyń, eń aldymen máslıhat depýtattarynyń ustanymdary men pikirlerine kóbirek nazar aýdarý qajet dep oılaımyn», - dedi Senat tóraǵasy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janat Qapalbaeva
Janat Qapalbaeva
954-059

MURAǴAT