+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Senat spıkeri BUU Bas Assambleıasy 75-sessııasynyń tóraǵasymen kezdesti

2021 jylǵy 9 shilde 17:30
Bólisińiz:
Senat spıkeri BUU Bas Assambleıasy 75-sessııasynyń tóraǵasymen kezdesti

NUR-SULTAN. QazAqparat - Senat Tóraǵasy Máýlen Áshimbaev BUU Bas Assambleıasy 75-sessııasynyń tóraǵasy Volkan Bozkyrdy qabyldady, dep habarlaıdy QazAqparat tilshisi joǵarǵy palatanyń baspasóz qyzmetine silteme jasap.

Uqsas jańalyqtar
Senatta azamattyq qoǵam men medıasalany damytý máseleleri talqylandy Senatorlar astanada ótken jalpyqalalyq senbilikke qatysty 7 -den 16 jasqa deıingi balalar múgedektik toptary boıynsha bólinedi - mınıstrlik

Kezdesý barysynda Qazaqstannyń BUU-men jáne onyń qurylymdyq bólimshelerimen ózara is-qımyl máseleleri sóz boldy.

«Birikken Ulttar Uıymymen ózara tyǵyz baılanys ornatý - Qazaqstannyń syrtqy saıasatyndaǵy basym baǵyttardyń biri. Búginde Qazaqstanda uıym bólimsheleriniń 27 ókildigi jumys isteıdi», – dedi Máýlen Áshimbaev.

Sonymen qatar Senat spıkeri Memleket basshysy Qasym-Jomart Toqaevtyń bastamasymen elimizde iske asyrylyp jatqan mańyzdy saıası jáne demokratııalyq reformalarǵa toqtalyp ótti.

Kezdesýde BUU-nyń turaqty damý maqsattaryn iske asyrý máseleleri de talqylandy.

Senat tóraǵasynyń aıtýynsha, bıylǵy jyldyń basynda atalǵan maqsattardyń ındıkatorlaryn ulttyq múddege sáıkestendirý aıaqtalǵan.

Mindetterdiń shamamen 80 paıyzy elimizdiń strategııalyq josparlaý qujattaryna saı ıntegratsııalanǵan.

Senat spıkeri sol maqsattardy iske asyrýda Parlament depýtattary úlken ról atqaratynyn aıtty.

«Turaqty damý maqsattaryna qol jetkizýde ulttyq Parlamentterdiń mańyzy asa zor. Depýtattar tıisti zańdardy qabyldaı otyryp, kózdelgen mindetterdi oryndaýdy qamtamasyz etedi. Osy rette Qazaqstan senatorlary Turaqty damý maqsattaryn iske asyrý jolynda yntymaqtasýǵa jáne yqpaldasýǵa daıyn ekenin jetkizgim keledi», – dedi Máýlen Áshimbaev.

Kezdesý sońynda Senat tóraǵasy BUU Bas Assambleıasynyń Halyqaralyq ıadrolyq synaqtarǵa qarsy is-qımyl kúnine arnalǵan dástúrli plenarlyq otyrysyn ótkizý josparǵa engizilgeni úshin meımanǵa rızashylyǵyn bildirdi.

Máýlen Áshimbaev Qazaqstannyń bul kúnge erekshe mán beretinin aıtty.

Sondaı-aq, ol 29 tamyz - Semeı polıgonynyń resmı túrde jabylǵan kúni ekenin, bul Qazaqstan úshin ǵana emes, barsha adamzat úshin tarıhı mańyzdy data sanalatynyn tilge tıek etti.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT