+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Senat saılaý jáne saıası partııalarǵa qatysty zańdardy qabyldady

2020 jylǵy 21 mamyr 10:55
Bólisińiz:
Senat saılaý jáne saıası partııalarǵa qatysty zańdardy qabyldady

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasyndaǵy saılaý týraly» Konstıtýtsııalyq zańyna tolyqtyrýlar engizý týraly» Konstıtýtsııalyq zańy men «Saıası partııalar týraly» zańyna ózgeris pen tolyqtyrýlar engizý týraly» Zańy qabyldandy, dep habarlaıdy QazAqparat tilshisi.

Uqsas jańalyqtar
Belarýste ótken prezıdent saılaýynda daýys berý aıaqtaldy Belarýste Prezıdent saılaýyna negizgi daýys berý bastaldy Belarýs Prezıdentiniń saılaýyna Qazaqstannan baratyn baıqaýshylar sany anyqtaldy

Usynylyp otyrǵan zań jobalar Prezıdenttiń Ulttyq qoǵamdyq senim keńesiniń ekinshi otyrysynda bergen tapsyrmalaryn iske asyrý maqsatynda ázirlendi.

«Zań jobalarmen partııalyq saılaý tizimderinde áıelder men jastar úshin keminde otyz paıyz mólsherindegi kvotany engizý jáne saıası partııalardy qurý úshin qoldanystaǵy sandyq tirkeý talabyn eki ese tómendetý usynylady. Osy maqsatta, birinshiden, Saılaý týraly konstıtýtsııalyq zańda saıası partııalar tirkeýge usynǵan partııalyq tizimderde áıelder men jastarǵa arnalǵan mindetti kvotalardyń bolýy týraly talap qoıylady. Jalpy, búginde álemdegi memleketterdiń basym bóligi áıelder men jastardyń saılaý protsesine teń qoljetimdiligine kepildik berý úshin qajetti sharalar qabyldaýda. Sonymen qatar, Memleket basshysy atap ótkendeı, biz jastardyń Parlamentke jáne jergilikti ókiletti organdaryna kelýine yqpal etýge tıispiz. Sondyqtan da, bizdiń qoǵam úshin áıelder men jastar jaqsy áleýmettik jáne saıası áleýetke ıe», - dedi Ádilet mınıstriniń mindetin atqarýshy Natalıa Pan.

Osyǵan oraı, halyqaralyq tájirıbe aıasynda usynylyp otyrǵan jańa normalar áıelder men jastardy eldiń qoǵamdyq-saıası protsesterine belsendi tartýǵa múmkindik beretin bolady.

«Ekinshiden, endi saıası partııany tirkeý úshin onyń quramynda qyryq myń emes, jıyrma myń múshesi bolsa jetkilikti. Osy baǵyttaǵy túzetýler Saıası partııalar týraly zańda kózdelip otyr. Bul usynys saıası partııalardy qurý tártibin jeńildetedi, sondaı-aq memlekettik sheshimderdi ázirleý jáne qabyldaý protsesterine oń áserin tıgizedi», - dedi N. Pan.

Usynylyp otyrǵan zań jobalar ár túrli alańdarda maqsatty toptarmen qaraldy. Atap aıtqanda, zań jobalary Ulttyq qoǵamdyq senim keńesiniń múshelerimen, saıası partııalardyń ókilderimen jáne jastarmen keńinen talqylandy.

«Jalpy, osy zańnamalyq bastamalar áıelder men jastardy qoǵamnyń saıası ómirine belsene qatysýǵa, sondaı-aq kóppartııalyq júıeni odan ári qalyptastyrýǵa oń yqpalyn tıgizetin bolady», - dedi ol.

Eske sala ketsek, 2019 jyly 20 jeltoqsanda QR Prezıdenti Qasym-Jomart Toqaev Ulttyq qoǵamdyq senim keńesiniń ekinshi otyrysynda, qoldanystaǵy saıası júıeni reformalaýǵa baǵyttalǵan birqatar usynys jasaǵan edi. Memleket basshysy partııalyq saılaý tizimderinde áıelder men jastarǵa arnalǵan mindetti 30 paıyz kvotany qarastyrý jáne saıası partııalardy qurý úshin tirkeý talabyn 40 myńnan 20 myń adamǵa deıin tómendetý qajettiligin atap ótip «biz partııalarǵa jáne saılaýǵa qatysty Zańdardy birte-birte ózgertýimiz kerek» degen bolatyn.

Budan buryn habarlanǵandaı, sáýir aıynda Májilistiń jalpy otyrysynda Ádilet mınıstri mınıstri Marat Beketaev saıası partııalardy qurý tártibi jeńildeıtinin aıtqan edi.

Sonymen qatar, Parlament Májilisinde «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna tolyqtyrýlar engizý týraly» Konstıtýtsııalyq zańynyń jobasy keńinen talqylanǵan bolatyn. Qujatta partııalyq saılaý tizimderinde áıelder men jastar úshin 30 paıyz kvotany qarastyrý usynyldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT