Senat Esep komıtetiniń múshesin qyzmetinen bosatty
2022 jylǵy 28 maýsym 10:20

Senat Esep komıtetiniń múshesin qyzmetinen bosatty

NUR-SULTAN. QazAqparat - QR Parlamenti Senatynyń jalpy otyrysynda Respýblıkalyq bıýdjettiń atqarylýyn baqylaý jónindegi esep komıtetiniń múshesi Rashıt Ahmetovtiń ókilettigi toqtatyldy, dep habarlaıdy QazAqparat tilshisi.

«Konstıtýtsııalyq normalarǵa sáıkes, Esep komıteti múshesiniń ókilettik merzimi 5 jyl. 2017 jyly 29 maýsymda Esep komıtetiniń múshesi bolyp Senattan Ahmetov Rashıt Saıranuly taǵaıyndalǵan bolatyn», - dedi Senat tóraǵasy Máýlen Áshimbaev.

Osy oraıda R. Saıranulynyń atalǵan qyzmettegi ókilettik merzimi aıaqtalyp otyr. Senat reglamentine sáıkes, Bıýronyń sheshimimen Qarjy jáne bıýdjet komıteti óziniń qorytyndysyn ázirledi.

Talqylaýdan keıin senatorlar Rashıt Ahmetovtiń ókilettigin toqtatý týraly sheshimdi qabyldady.

Budan buryn habarlanǵandaı, Búgin Parlament Senatynyń jalpy otyrysynda Joǵarǵy sottyń sýdıasy bolyp Erkesh Máýken saılandy.


Jańalyqtar

Úrdis

MURAǴAT