+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Senat elektr energetıkasynyń tıimdiligin arttyrýǵa arnalǵan qujatty qabyldady

2020 jylǵy 26 qarasha 10:54
Bólisińiz:
Senat elektr energetıkasynyń tıimdiligin arttyrýǵa arnalǵan qujatty qabyldady

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý jáne elektr energetıkasy máseleleri boıynsha ózgerister men tolyqtyrýlar engizý týraly» Zańy qabyldandy, dep habarlaıdy QazAqparat tilshisi.

Zań jobasy Parlament depýtattarynyń bastamashylyǵymen ázirlendi. Atalǵan qujat boıynsha baıandama jasaǵan Parlamenti Májilisiniń depýtaty Shavhat Ótemisov onyń negizgi tujyrymdamalyq jańalyqtaryn túsindirdi.

«Qazirgi kezde elimizde elektr qýatynyń profıtsıti bar, ol 2019 jyldyń qorytyndysymen shamamen 3000 MVt quraıdy. Sonymen qatar, qazirgi ýaqytta manevrlik qýattar tapshylyǵy baıqalady. Táýliktiń keshki ýaqytynda joǵarylaýyna jáne túngi ýaqyttarda tómendeýine baılanysty elektr energııasyn birkelki tutynbaý elektr stantsııalarynyń jedel aýyspaly jumysyn talap etedi

Osyǵan baılanysty zań jobasynda generatsııanyń manevrlik rejımi bar qýattardy salý úshin tartymdy jaǵdaılar jasaý usynylady. Bul óz múmkindikteriniń esebinen óndiris-tutyný teńgerimsizdikterin retteýdi júzege asyrýǵa múmkindik beredi. Jobalardy irikteýdiń aýktsıondyq tetigi qoldanylatyn bolady», - dedi Sh. Ótemisov.

Usynylyp otyrǵan zań jobasynda áleýetti ınvestorlardy yntalandyratyn kelesi normalar bar:

Birinshiden, aýktsıondyq saýda-sattyq jeńimpazy biryńǵaı satyp alýshymen (qarjy-esep aıyrysý ortalyǵy) 15 jyldyq kelisimshart jasasady. Ekinshiden, bul ınvestordan atalǵan qyzmet kepildi túrde satyp alynatynyn bildiredi. Úshinshiden, elektr stantsııasynyń qýatyn retteý qyzmeti úshin qosymsha tabys alynady. Tórtinshiden, aýktsıondyq saýda-sattyq irikteý tetiginiń ashyqtyǵyn qamtamasyz etetin bolady, bul ınvestor úshin de óte tartymdy. Besinshiden, ákimdikter jer telimin ózderi usynyp, stantsııany júıege qosýdy qamtamasyz etedi.

«Usynylyp otyrǵan sharalar iske asyrylǵan jaǵdaıda Qazaqstannyń elektr energetıkasy júıesiniń syrtqy kózderge táýeldiligi tómendeıdi. Sonymen qatar, retteý boıynsha kórsetiletin qyzmet úshin búgingi tańda Reseıge ketip jatqan qarjy qarajaty elimizde qalady. Al bul jyl saıyn shamamen 10-12 mlrd teńge», - dedi Májilis depýtaty.

Onyń aıtýynsha, ekinshi tujyrymdamalyq jańalyq jańartylatyn energııa kózderin qoldaýǵa «ótpeli tarıfti» belgileýge baılanysty.

«Qoldanystaǵy «Elektr energetıkasy týraly» Zańǵa sáıkes, jańartylatyn energııa kózderi óndirgen elektr energııasyn «KEGOK» AQ-ǵa qaraıtyn qarjy-esep aıyrysý ortalyǵynan satyp alýǵa jumsalatyn shyǵyndar dástúrli stantsııalardyń elektr energııasyna arnalǵan shekti tarıfterge qosylǵan.

Jańartylatyn energııa kózderiniń elektr energııasy kóleminiń jyl saıyn ulǵaıýyn eskere otyryp, energııa óndirýshi uıymdardyń ózindik damýǵa baǵyttaıtyn qarajat kóleminiń turaqty tómendeýi oryn alýda. Bul materıaldyq-tehnıkalyq bazanyń jaı-kúıine, óndiristik qýattardy jańǵyrtýǵa, dástúrli stantsııalardyń qarjylyq jaǵdaıyna teris áser etedi. Osyǵan baılanysty, zań jobasynda «jańartylatyn energııa kózderin paıdalanýdy qoldaýǵa arnalǵan ústemeaqy» uǵymy kózdelgen, ol shekti tarıften tys eskeriletin bolady», - dedi Sh. Ótemisov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT