+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Senat depýtaty dárige qatysty Qaraǵandy oblysyndaǵy ahýaldy baqylaýǵa aldy

2020 jylǵy 10 tamyz 14:58
Bólisińiz:
Senat depýtaty dárige qatysty Qaraǵandy oblysyndaǵy ahýaldy baqylaýǵa aldy

NUR-SULTAN. QazAqparat - Senat depýtaty Lázzat Súleımen dári-dármekke qatysty Qaraǵandy oblysyndaǵy ahýaldy baqylaýǵa aldy, dep habarlaıdy QazAqparat palatanyń baspasóz qyzmetine silteme jasap.

L.Súleımen óńirge jasaǵan saparynda jergilikti aýrýhanalarǵa, provızorlyq ortalyqtarǵa, dárihana jelileriniń qoımalaryna baryp, medıtsına qyzmetkerlerimen jáne emdelýshilermen kezdesti.

«Pandemııa órship turǵan kezde Senat depýtattary qol qýsyryp otyrmady. Biz de el azamattarymen birge qaıǵyryp, qabyrǵamyz qaıysty. Naýqastardy dári-dármekpen qamtamasyz etý jumystaryna qatystyq, muqtaj azamattarǵa túrli kómek kórsettik. Aldaǵy ýaqytta da jergilikti azamattardyń kótergen máseleleri depýtattardyń nazarynan tys qalmaıdy», – dedi ol.

Senator dárihanalardaǵy jaǵdaıǵa da kóńil bólip, iri farmjelilerdiń biriniń qoımasyna arnaıy bardy. Jergilikti mamandardyń aıtýynsha, qazir munda áleýmettik mańyzy bar preparattardyń, onyń ishinde antıbıotıkterdiń qajetti qory bar. Sondaı-aq, Senat depýtaty jyljymaly áleýmettik dárihananyń jumysymen tanysty.

Jergilikti turǵyndar senatordyń nazaryn medıtsına qyzmetkerlerine laıyqty jaǵdaı jasaý, olardy baspanamen qamtý máselesine aýdardy. Lázzat Súleımen bul baǵytta memleket tarapynan tıisti jumystar qolǵa alynǵanyn tilge tıek etip, elimizdiń medıtsına salasyn damytýǵa, sala mamandarynyń turmys sapasyn arttyrýǵa basa mán berilip otyrǵanyn jetkizdi.

«Sonyń aıasynda qazirgi tańda óńirde modýldik juqpaly aýrýlar aýrýhanasynyń qurylysyn bastalǵanyn aıta ketken jón. Nysan koronavırýstan emdeýge qajetti jabdyqtarmen qamtamasyz etilmek.

Іndet juqtyrǵan azamattarmen kezdesýinde emdelýshiler emdeý sharalary jáne medıtsınalyq qyzmet júıesinde týyndaǵan máseleler jóninde aıtty», - delingen Senat aqparatynda.

Odan bólek, Lázzat Súleımen Sátbaev jáne Jezqazǵan qalalaryna baryp, memlekettik baǵdarlamalardyń júzege asyrylý barysymen tanysty. Senator Sátbaev qalasyndaǵy №1 qalalyq ortalyq aýrýhanaǵa arnaıy at basyn burdy. Atalǵan nysanǵa kúrdeli jóndeý júrgizý úshin memlekettik baǵdarlama aıasynda 223 mln teńge bólingen. Odan bólek, aýrýhana aýmaǵyn abattandyrýǵa 79 mln teńge qarastyrylǵan.

Bul medıtsınalyq mekeme 140-tan astam tósek-orynǵa eseptelgen. Onyń 120-ǵa jýyǵy táýlik boıy, 25-i kúndizgi statsıonar úshin. Koronavırýs pandemııasy bastalǵaly nysannyń juqpaly aýrýlar bóliminde 160 adam emdelip shyqty. Atalǵan bólim 30 oryndyq. Onyń ishinde 6-aýy reanımatsııalyq, 10-y júkti áıelderge arnalǵan. Nysan ókpeni jasandy jeldetý apparatymen jabdyqtalǵan.

Búginde qalada jastardy jumyspen qamtý, qoljetimdi baspana salý máseleleri boıynsha 30-ǵa jýyq áleýmettik joba iske asyrylyp jatyr.

Budan basqa, senatormen kezdesken aımaq turǵyndary pedofılderge jáne sybaılas jemqorlyq quqyq buzýshylyqtarǵa qatysty zańnamany kúsheıtý týraly máseleni qaraýdy usyndy. Sondaı-aq, eski, apatty jaǵdaıdaǵy úılerdi buzý máselesin kóterip, kezekte turǵan osy úılerdiń turǵyndaryn baspanamen qamtý, jumyssyzdyqty joıý sııaqty basqa da áleýmettik problemalarǵa nazar aýdardy. Sonymen qatar, olar kóp balaly analarǵa memleket tarapynan úlken qoldaý kórsetilip jatqanyn da atap ótti.

Lázzat Súleımen jergilikti bılik ókilderine atalǵan máselelerdi tezirek sheshý úshin belsendi túrde jumys isteý kerektigin aıtty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT