+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Senat depýtattary «Astana» halyqaralyq qarjy ortalyǵynda boldy

2019 jylǵy 16 qazan 21:28
Bólisińiz:
Senat depýtattary «Astana» halyqaralyq qarjy ortalyǵynda boldy

NUR-SULTAN. QazAqparat – QR Parlamenti Senatynyń Tóraǵasy Darıǵa Nazarbaeva bastaǵan joǵarǵy palata depýtattary «Astana» halyqaralyq qarjy ortalyǵynda (AHQO) boldy, dep habarlaıdy Qazaqstan Respýblıkasy Parlamenti Senatynyń Baspasóz qyzmeti.

Uqsas jańalyqtar
Ashat Aımaǵambetov pedagog daıarlaıtyn JOO-larda qandaı ózgeris bolatynyn aıtty Senat: Qazaqstan men Armenııa arasyndaǵy yntymaqtastyqty damytý máselesi talqylandy Qaırat Kelimbetov AHQO qyzmetkerleriniń qansha jalaqy alatynyn aıtty

AHQO basqarýshysy Qaırat Kelimbetov senatorlardy ortalyqtyń, onyń organdary men uıymdarynyń qyzmetimen tanystyrdy, sondaı-aq álemdik qarjy naryǵynyń barlyq ózekti úrdisteri eskeriletin jańartylǵan damý strategııasy ázirlenip jatqany týraly habarlady.

«Astana» halyqaralyq qarjy ortalyǵy «100 qadam» Ult josparynyń bes tarmaǵyna sáıkes qurylǵan bolatyn. Qazirgi ýaqytta bes tapsyrmanyń bári oryndaldy nemese iske asýdyń qarqyndy satysynda tur.

Basqarýshynyń aıtýynsha, AHQO jumysynyń maqsaty Qazaqstan ekonomıkasyn nyǵaıtýǵa jan-jaqty qoldaý kórsetý bolyp tabylady. Ol úshin Ortalyqqa kapıtaldyń jergilikti naryǵyn damytýǵa jáne ony álemdik naryqtarmen yqpaldastyrýǵa, sondaı-aq uzaq merzimdi keleshekte Qazaqstannyń ınvestıtsııalyq tartymdylyǵyn arttyrýǵa baılanysty aýqymdy mindetterdi oryndaý tapsyryldy.

Senatorlar AHQO soty men Halyqaralyq tórelik ortalyǵynyń, AHQO Qarjy qyzmetterin retteý jónindegi komıtetiniń (AFSA), Astana International Exchange (AIX) bırjasynyń, Ekspat ortalyǵynyń jáne úzdiksiz kásibı damý bıýrosynyń ókilderimen kezdesti.

AHQO sotynyń jáne Halyqaralyq tórelik ortalyǵynyń tirkeýshisi Krıstofer Kempbell-Holt Senat depýtattaryna 2019 jyly aqpanda iske qosylǵan jáne daýlardy onlaın sheshýge múmkindik beretin eJustice júıesiniń múmkindikterin kórsetti. Ol sondaı-aq AHQO soty men Halyqaralyq tórelik ortalyǵynyń bilim berý baǵdarlamasy aıasynda jalpy aǵylshyn quqyǵy negizderine 500-den astam qazaqstandyq oqyǵanyn habarlady.

AIX bırjasy memlekettik aktıvterdi jekeshelendirý baǵdarlamasyn júzege asyrýda tıimdi alańǵa aınaldy. 2018 jyly «Qazatomónerkásip» UAK» aktsıonerlik qoǵamynyń ornalasýy nátıjeli boldy dep tanyldy, 2019 jyly AIX-ke qosymsha aktsııalar paketi shyǵaryldy. Qazirgi ýaqytta «Qazaqtelekom», «Eır Astana» jáne «Qazmunaıgaz» aktsıonerlik qoǵamdarynyń lıstıngi pysyqtalýda.

Senatorlarǵa sondaı-aq AHQO-nyń negizgi damý baǵyttary – ıslam qarjysy, qarjy tehnologııalary, «jasyl» qarjy tanystyryldy.

Senat Tóraǵasy Darıǵa Nazarbaeva AHQO-da bolýdyń nátıjesi boıynsha halyqaralyq qarjy ortalyǵynyń syrtqy jáne ishki naryqtaǵy qyzmeti týraly keńinen habardar etý qajettigin atap ótti. Darıǵa Nazarbaeva AHQO qyzmetkerleriniń jumysy tabysty bolýyna tilektestigin jetkize kelip: «Álemdik qarjy muhıtyndaǵy úlken keme bolýlaryńyzdy qalaımyz», - dedi.






Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT