+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Senat beıbit jınalystardy uıymdastyrý týraly zań jobasyna qandaı túzetýler engizdi

2020 jylǵy 14 mamyr 12:02
Bólisińiz:
Senat beıbit jınalystardy uıymdastyrý týraly zań jobasyna qandaı túzetýler engizdi

NUR-SULTAN. QazAqparat - QR Parlamentiniń Senaty «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Qazaqstan Respýblıkasy Zańy jobasyna birqatar túzetý engizdi, dep habarlaıdy QazAqparat tilshisi.

Uqsas jańalyqtar
Parlament depýtattary kanıkýlǵa ketti Parlament palatalarynyń birlesken otyrysy ótedi Máýlen Áshimbaev Senattyń ótken sessııadaǵy jumysyn qorytyndylady

«Zań jobasyn talqylaý barysynda beıbit jınalystardy uıymdastyrý jáne ótkizý úshin arnaıy oryndardy belgileý jáne onyń sanyna qatysty suraqtar boldy, ol qoǵamda da keńinen talqyǵa tústi. Komıtet astananyń, respýblıkalyq mańyzy bar jáne oblys ortalyqtary bolyp esepteletin qalalar men olardyń quramyna kiretin aýdandarda arnaıy oryndar mindetti túrde ortalyqta ornalasýy jáne olardyń sany úsheýden kem bolmaýy tıis degen pikirde. Bul jınalystar men mıtıngige, tosqaýyl qoıýǵa qatysýshylardyń «kóriný jáne estilý» jáne olardy ótkizý múmkindigin arttyrady», - dedi Senattyń jalpy otyrysynda zań jobasy boıynsha baıandama jasaǵan senator Sársenbaı Eńsegenov.

Onyń aıtýynsha, atalǵan usynys Zań jobasynyń osy máseleni retteıtin 9-babynyń 2-shi tarmaǵyna qosymsha ekinshi bólik retinde engizilgen. Sonymen birge, Zań jobasynyń beıbit jınalystar ótkizýden bas tartý negizderin aıqyndaıtyn 14-baptyń 1 tarmaǵynyń 10-tarmaqshasyn alyp tastaý usynylady.

«Bizdiń oıymyzsha beıbit jınalystar ótkizý kezinde tirshilikti qamtamasyz etýge baılanysty máseleler arnaıy oryndardy belgilegen kezde qaralyp eskerilýi kerek. Beıbit jınalystardy toqtatý negizderi men tártibi 18-bapta kózdelgen. Osy baptyń 1-tarmaǵynyń 3-tarmaqshasyna sáıkes beıbit jınalystarǵa qatysýshylardyń kúsh qoldaný áreketterin jasaýy, sondaı-aq beıbit jınalystardy uıymdastyrýshynyń beıbit jınalysty uıymdastyrý jáne ótkizý tártibine qatysty osy Zańynyń talaptaryn buzýy beıbit jınalysty toqtatýǵa negiz bolady», - dedi senator.

S.Eńsegenovtiń paıymynsha, bul qoǵamdyq tártip, densaýlyq saqtaý, basqa adamdardyń quqyqtary men bostandyqtaryn qorǵaýǵa baǵyttalǵan mańyzdy norma. Onyń zańda oryn alýy jón.

«Degenmen, qatysýshy nemese qatysýshylar tarapynan zańnyń buzylýy joıylǵan jaǵdaıda beıbit jınalystardy jalǵastyrýǵa múmkindik berý durys degen oıdamyz. Sondyqtan joǵaryda atalǵan normany alyp tastaý jáne 18-bapty jańa 4 tarmaqpen tolyqtyrý usynylady», - dedi ol.

Osydan keıin depýtattar atalǵan zań jobasyna Senat enizgen túzetýlerdi Májiliske jiberý týraly qaýlyǵa biraýyzdan daýys berdi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT