+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Senat Armenııamen elektr energetıkasynda tıimdi yntymaqtastyqqa arnalǵan qujatty qabyldady

2021 jylǵy 9 qyrkúıek 11:06
Bólisińiz:
Senat Armenııamen elektr energetıkasynda tıimdi yntymaqtastyqqa arnalǵan qujatty qabyldady

NUR-SULTAN. QazAqparat – Parlament Senatynyń jalpy otyrysynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Armenııa Respýblıkasynyń qosylýyna baılanysty oǵan ózgerister engizý týraly hattamany ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Uqsas jańalyqtar
Áleýmettanýshylar Qazaqstan damýyna mańyzdy úles qosty - Áshimbaev Senat tóraǵasy: Qazaqstandyqtardyń 86 paıyzy qazaq tilin biledi Qaraǵandy oblysynda eń eski JEO jańǵyrtylady

Qujat EAEO-ǵa múshe memleketter arasynda, onyń ishinde Armenııa Respýblıkasymen elektr energetıkasy salasynda tıimdi yntymaqtastyqty qamtamasyz etýge baǵyttalǵan.

«Armenııa 2014 jylǵy 10 qazanda qol qoıylǵan Armenııa Respýblıkasynyń qosylýy týraly shart aıasynda Eýrazııalyq ekonomıkalyq odaq týraly shartqa qosyldy. Ony barlyq múshe memleketter ratıfıkatsııalady jáne 2015 jylǵy 2 qańtarda Armenııa EAEO-nyń tolyq quqyly múshesi boldy. EAEO-ǵa múshe memleketterdiń aýmaǵy boıynsha Armenııa tarapynan elektr energııasyn memleketaralyq berý, ózara qarym-qatynastaryn retteý aıasynda hattama ázirlendi. Onyń maqsaty – Armenııanyń shartqa qosylýyna baılanysty EAEO elderi arasynda elektr energııasyn memleketaralyq berýdi júzege asyrý ádisnamasyn aıqyndaý», - dedi QR Energetıka vıtse-mınıstri Qaırat Rahymov.

Hattama jobasy 2017 jylǵy naýryzda Eýrazııalyq ekonomıkalyq odaq keńesiniń úkimimen maquldandy.

Qujatty ratıfıkatsııalaý baǵa belgileý men tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalar sýbektileriniń kórsetiletin qyzmetterine qol jetkizýdi qamtamasyz etý týraly hattamaǵa Armenııanyń qosylýyn eskere otyryp, EAEO-ǵa múshe memleketterdiń energııa jelileriniń tıimdi jumys isteýine múmkindik beredi.

«Qazirgi kezde hattama Armenııa, Belarýs, Qyrǵyzstan jáne Reseı elderi tarapynan ratıfıkatsııalandy. Zań jobasyn qabyldaý teris áleýmettik-ekonomıkalyq jáne ózge de saldarǵa ákep soqtyrmaıdy. Memlekettik bıýdjetten qosymsha shyǵystardy talap etpeıdi», - dedi vıtse-mınıstr.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT