+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Senat ákimderdi tikeleı halyqtyń saılaýyna  múmkindik beretin zańdy qabyldady

2021 jylǵy 20 mamyr 12:32
Bólisińiz:
Senat ákimderdi tikeleı halyqtyń saılaýyna  múmkindik beretin zańdy qabyldady

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» QR Konstıtýtsııalyq Zańy qabyldandy, dep habarlaıdy QazAqparat tilshisi.

Uqsas jańalyqtar
Máýlen Áshimbaev: Ǵylymı kózqaras qalyptastyratyn salalyq jýrnalıstıkany damytý kerek Senatorlardyń bastamasymen 16 zań jobasy ázirlenedi - Máýlen Áshimbaev Memleket basshysy Eýrazııalyq ekonomıkalyq odaq týraly Zańǵa qol qoıdy

«Memleket Basshysynyń ótken jylǵy 1 qyrkúıektegi joldaýynyń tapsyrmasyn iske asyrý barysynda elimizdegi aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderin tikeleı saılaýyn engizý máseleleri boıynsha zań jobasy ázirlendi. Qazaqstan Respýblıkasynyń memlekettik qyzmet týraly zańnamasyna sáıkes biliktilik talaptaryna saı kelgen jáne 25 jasqa tolǵan elimizdiń kez kelgen azamaty saılana alady. Saıası partııalar músheleri jáne saılaýshylardyń jalpy sanynyń keminde 1% -yna qol jınaǵan kandıdattar saılaýǵa túse alady. Saılaý 40 kún buryn jarııalanady, al saılaýdyń ózi qazirgi ákimniń ókilettik merzimi aıaqtalǵanǵa deıin 10 kún buryn ótedi. Saılaý ótkizilgennen keıin úsh kún ishinde qorytyndy shyǵarylady», - dedi Ulttyq ekonomıka mınıstri Áset Erǵalıev.

Saılaý ótkizilgennen keıin jeti kún ishinde aýmaqtyq saılaý komıssııasy saılanǵan ákimdi tirkeıdi, sodan keıin ol óz ókilettigine kirisedi. Saılaý ákimderdiń ókilettik merziminiń aıaqtalýyna qaraı jergilikti bıýdjet esebinen ótkiziledi.

«Bıýdjet zańnamasynyń normalaryn eskere otyryp, 2021-2022 jyldary qarjylandyrý respýblıkalyq bıýdjetten nysanaly transferttermen, al keıinnen 2023 jyldan bastap jergilikti bıýdjet esebinen jalpy sıpattaǵy transfert arqyly júzege asyrylatyn bolady. Bıyldyń II jartyjyldyǵynda tikeleı saılaýdy engizýge – 4,8 mlrd teńge qajet bolady. Qazaqstan Prezıdenti Qasym-Jomart Toqaevtyń 2021 jylǵy 15 qańtarda VII shaqyrylymdaǵy Parlamenttiń birinshi sessııasynyń ashylýynda bergen tapsyrmasyna sáıkes, Parlament Májilisi men máslıhat saılaýy kezinde saıası partııalardyń ótý shegi 7%-dan 5%-ǵa deıin tómendeıdi, sondaı-aq barlyq deńgeıdegi saılaý bıýlletenderine «barlyǵyna qarsymyn degen» grafa qosylady», - dedi mınıstr.

«Osy zań jobasy ákimderdi tikeleı halyqtyń saılaýyna múmkindik beredi. Aýyl ákiminiń halyqtyń qajettilikteri men problemalaryna den qoıý jedeldigin arttyrýǵa, sondaı-aq «halyq únine qulaq asatyn memleket» tujyrymdamasyn tolyq kólemde iske asyrýǵa múmkindik beredi», - dedi Áset Erǵalıev.

Sonymen qatar palatanyń jalpy otyrysynda «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» ilespe Zań da qabyldandy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT