+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Semeıdegi Abaı teatrynda kúrdeli jóndeý jumystary júrgizilýde

2020 jylǵy 7 sáýir 21:34
Bólisińiz:
Semeıdegi Abaı teatrynda kúrdeli jóndeý jumystary júrgizilýde

SEMEI. QazAqparat – Shyǵys Qazaqstan oblysynyń ákimi Danıal Ahmetov Semeıge jumys saparymen keldi. Aımaq basshysy «Adal» dúkender jelisin aralap, Abaı teatryndaǵy jóndeý jumystarynyń qarqynymen tanysty, dep habarlaıdy QazAqparat.

ShQO ákimi «Adal» dúkender jelisiniń jumysyna oń baǵa berdi. 2 sáýirden bastap qala ákimdigi atalmysh sýpermarkettermen jáne «Adal-farm» dárihanalarymen birlese otyryp, qarttar men múgedekterge eń qajetti zattardy jetkizýdi uıymdastyrdy. Ol úshin 52-12-12 nómiri boıynsha qońyraý shalyp, tapsyrys berý jetkilikti. Azyq-túlik pen dári-dármekterdi Jastar resýrstyq ortalyǵynyń eriktileri tıisti mekenjaıǵa jetkizip beredi. Tapsyrysty aptasyna bir ret jasaýǵa bolady. Baılanys ortalyǵynyń mamandary tapsyrystardy saǵat 07.00-den bastap keshki 19.00-ge deıin qabyldaıdy. Sáýirdiń ekisinen beri búginge deıin 1200 ótinish túsken.

Al Abaı atyndaǵy teatrda hákimniń 175 jyldyq mereıtoıyna oraı jóndeý jumystary júrgizilýde. Teatr dırektory ıAkov Gorelnıkovtyń aıtýynsha, ótken jyldyń qyrkúıeginde qajetti qarajat bólinip, teatr akterleriniń sýretteri salynǵan stendter jańartylǵan. Sonymen qatar órt qaýipsizdigi sharalary da kúsheıtilgen. Budan bólek, zamanaýı dybys jáne jaryq jabdyqtary satyp alynypty.

«Mádenıet oshaǵynda mundaı aýqymdy jóndeý jumystary buryn sońdy bolǵan emes. Kúrdeli jóndeýmen qatar teatr aýmaǵy abattandyrylmaq. Jumys barysyn aımaq basshysy, qala ákimi jáne oblystyq mádenıet basqarmasy qatań baqylaýǵa alǵan. Abaıdyń 175 jyldyǵyna oraı eń mańyzdy is-sharalar osy teatrda ótetindikten biz qonaqtardy laıyqty qarsy alýymyz kerek», - dedi ıAkov Gorelnıkov.

Teatr ishinde de birqatar ózgerister oryn almaq. Ekinshi qabattyń foıesi de qonaqtardy jańasha kelbette qarsy alatyn bolady. Kórermender zaly da jańartylady. Abaı mereıtoıyna oraı teatr akterleri endi jańa sahnada óner kórsetedi.

Jańartýlar sahna artynda da kútilýde, naqty aıtsaq, grımerlik jáne daıyndyq bólmelerinde de jóndeý jumystary qolǵa alynbaq. Teatrdyń shyǵarmashylyq quramy TJ rejımi engizilýine baılanysty ázirshe eńbek demalysyna shyqty. Biraq jumys toqtaǵan joq. 15 kúnnen keıin kórermender onlaın-rejımde «Revızor» qoıylymyn tamashaı alady. Oblys ákimi Danıal Ahmetov teatrdyń tús gammasyna muqııat qaraý kerektigin basa aıtty.

«Túrli-tústi boıaýlardyń qajeti joq. Tek ustamdy tústerdi paıdalanyp, kolorıstıkany saqtaǵan jón. Metall qorshaýlardy bezendirýge de nazar aýdaryńyzdar. Biz munda halyqaralyq ǵylymı-tájirıbelik konferentsııa ótkizemiz, sondyqtan da dızaın máselesi jaqyn arada sheshiledi dep úmittenemin», – dedi ákim.

Sapar sońynda óńir basshysy qazir qaıta jańartylyp jatqan Ortalyq saıabaq pen jaıaý júrginshilerge arnalǵan kóshe qurylysyn tekserdi.

«Munda serýendeıtin jastar: «Shetelde qandaı ádemi» dep oılamaýy kerek. Sol sulýlyqtyń bárin osynda, óz qalamyzda jasaý qolymyzda tur. Bul 300 metrlik kóshe Eýropadaǵydaı bolýy tıis. Ol úshin tıisti qarajat bólingen», - dedi Danıal Kenjetaıuly.

Osylaısha, 1 shildede Semeıde jaıaý júrginshiler kóshesi bolady. Oblys ákimi jergilikti atqarýshy bılikke zamanaýı dızaın jasaýdy tapsyrdy. Al Ortalyq saıabaqtaǵy jumystar 1 maýsymǵa deıin aıaqtalmaq.

Jumys saparynyń sońynda Danıal Ahmetov jýrnalısterge bergen suhbatynda oblys turǵyndaryna úndeý joldady:

«Eger biz óz balalarymyzdyń jáne nemerelerimizdiń densaýlyǵyna alańdasaq, onda olardy oqshaýlaýymyz kerek. Kólik sanynyń aıtarlyqtaı azaıýy quba-qup. Biz tańdaǵan ádis koronavırýstyń taralýyn edáýir báseńdetýge múmkindik beredi. Qalaǵa qajetsiz shyqpaı, saqtanyńyzdar – bul juqpaly indetpen kúrestiń jalǵyz ádisi», - dedi ol.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT