+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Semeıde jalaqysyz qalǵan avtobýs júrgizýshileri jumysqa shyqpaı qoıdy

2021 jylǵy 23 maýsym 13:05
Bólisińiz:
Semeıde jalaqysyz qalǵan avtobýs júrgizýshileri jumysqa shyqpaı qoıdy

SEMEI. QazAqparat – Semeı qalasynda jalaqysyn ala almaı otyrǵan avtobýs júrgizýshileri jumysqa shyqpaı qoıdy, dep habarlaıdy QazAqparat tilshisi.

«Semey Bus» jáne «Semeı Avtobýs parki» JShS qoǵamdyq kólikteri jelige shyqpady. Buǵan eńbek ujymyna jalaqynyń ýaqytyly tólenbeýi sebep bolǵan.

Qala ákimdiginiń málimetine súıensek, búgingi tańda «Semey Bus» basshylyǵynyń zeınetaqy jáne basqa da aýdarymdar boıynsha boryshy jarty mıllıard teńgeden asyp otyr.

Nátıjesinde, olarǵa MÁMS aıasynda qyzmet kórsetilmeýde. Aı saıynǵy zeınetaqy aýdarymy bolmaǵandyqtan, tipti nesıege de ótinish bere almaıdy.

Jyl kóleminde júrgizýshiler bir emes, on ret jumysqa shyqpaı qoıǵan.

ShQO ákiminiń orynbasary Baqytjan Baıahmetov jáne shahar ákimdiginiń ókilderi jumysshylarmen kezdesip, kelissóz júrgizdi.

«Árqaısyńyzdyń qolyńyzda eńbek sharty bar. Osy sharttarǵa sáıkes, sotqa júginýge jáne tıisti shegerimderdi talap etýge quqylysyzdar. Buǵan eshqandaı kedergi joq. Alaıda avtobýstardyń qatynaýyn toqtatý durys sheshim emes. Qala turǵyndarynyń kinási nede? Bul úshin nege halyq zardap shegýi tıis?», - dedi Baqytjan Baıahmetov.

Bul rette ol aýdarymdardy óndirip alý úshin eńbek ujymy «QR zeınetaqymen qamsyzdandyrý týraly» Zańyn buzǵany úshin kásiporyndy sotqa berý qajettigin atap ótti.

Osyǵan sáıkes, mindetti zeınetaqy jarnalarynyń aýdarylmaǵan somasyn memlekettik kiris organdary óndirip alatynyn nemese merzimin ótkizip alǵan árbir kún úshin QR Ulttyq bankiniń bazalyq mólsherlemesiniń 1,25 eselengen mólsherinde ósimpul esepteı otyryp, jumyskerlerdiń paıdasyna aýdarylatynyn málimdedi.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT