Semeıde úsh jylda 352 kóshe jaryqtandyrylady
2022 jylǵy 4 shilde 06:17

Semeıde úsh jylda 352 kóshe jaryqtandyrylady

SEMEI. QazAqparat – Semeı qalasynda úsh jylda 352 kóshe jaryqtandyrylady, dep habarlaıdy QazAqparat tilshisi.

Qala ákimdiginiń málimetine súıensek, bıyl jalpy uzyndyǵy 60,6 shaqyrymdy quraıtyn 62 kóshe jolyna ortasha jóndeý jumystary júrgiziledi. Kólik keptelisin azaıtý maqsatynda Shyǵys kentindegi Óskemen kóshesi keńeıtildi.

«Semeıdegi qanaǵattanarlyq jaǵdaıdaǵy joldardyń úlesi 2021 jyly 25,4%- dan 38,1%-ǵa deıin ulǵaıǵan. Al osy jyly joldardyń 50,3%-y osyndaı deńgeıge jetedi. Sondaı-aq shahar kóshelerin jaryqtandyrý máselesine erekshe kóńil bólingen. Byltyr 188 kóshede 7 659 jaryq shamy aýystyryldy. 2022 jylǵa jaryǵy joq 100 kóshege 3 295 sham ornatý josparlanǵan», - delingen aqparatta.

2023 jyly jaryǵy joq kóshelerge 8 600 sham ornatylyp, 252 kósheni jaryqtandyrý josparlanyp otyr. Osylaısha, úsh jyl ishinde Semeıdiń 352 kóshesine jaryq ornatylady.


Seriktester jańalyqtary

Jańalyqtar

Úrdis

MURAǴAT